मसुरे | प्रतिनिधी : सिंधुदुर्ग जिल्ह्यातील मालवण तालुक्यातल्या कट्टा येथील बॅ नाथ पै सेवांगण येथे गीता नाईक यांच्या प्रमुख उपस्थितीत
पंडित वामनराव काराणे संगीत विद्यालयाचा शुभारंभ करण्यात आला.
प्रारंभी वैष्णवी लाड यांनी या संगीत विद्यालयाची माहिती दिली. इतर उपक्रमा प्रमाणेच हाही उपक्रम यशस्वी करण्याचा मानस त्यानी व्यक्त केला.
दीपक भोगटे म्हणाले, पंडित वामनराव काराणे यानी वयाच्या ८५ वर्षा पर्यंत अत्यंत अल्प मोबदल्यात अनेक विद्यार्थ्याना संगीताचे शिक्षण दिले त्याबद्दल कृतज्ञता व्यक्त करण्यासाठी या विद्यालयाला काराणे सरांचे नाव दिले आहे. या विद्यालयाला सर्वतोपरी साहाय्य करण्याचे आवाहन केले.
अर्जून पेंडूरकर यांनी आजचा दिवस आमच्या आयुष्यातील आनंदाचा दिवस असून काराणे सरांच्या नावाच्या विद्यालयात काम करणे म्हणजे भाग्यच समजतो असे प्रतिपादन केले. अनेक वर्षांची इच्छा पूर्ण झाल्या बद्दल सेवांगणास धन्यवाद दिले. कार्यक्रमाच्या शेवटी रवीना पांजरी हिने मुरलीधर श्यामसुंदर, पद्मनाभा नारायणा, वृंदावनी खेळूया गायनाने कार्यक्रमाची सांगता केली.अर्जून पेंडूरकर यांच्या नेतृत्वाखाली
अर्जून पेंडूरकर तबला,रवीना पांजरी गायन,प्रतिक कोतिवडेकर हार्मोनियम
शिकवणार आहेत.

या कार्यक्रमास किशोर शिरोडकर बापू तळावडेकर सुनील गुराम दीपक भोगटे ,वैष्णवी लाड ,गीता नाईक ,प्रियांका भोगटे भगवान काळसेकर सुजाता पावसकर ,श्रीधर गोंधळी, श्री चव्हाण शिवण क्लासच्या विद्यार्थीनी उपस्थित होते.