शिरगांव | संतोष साळसकर :
राष्ट्रीय आरोग्य अभियान महाराष्ट्र संचलित नॅशनल मोबाईल मेडिकल युनिट मार्फत देवगड तालुक्यातील चाफेड गावठण येथे मोफत आरोग्य तपासणी आणि औषधोपचार करण्यात आली.
हे आरोग्य तपासणी पथक सिंधुदुर्ग जिल्ह्यातील अनेक ग्रामीण भागात भेट देऊन रुग्णांची मोफत आरोग्य तपासणी करून त्यांना मोफत औषधोपचार करण्यात येतात या आरोग्य पथकामध्ये वैद्यकीय अधिकारी डॉ. प्रियांका पाटणकर, औषध निर्माण अधिकारी जुगल आजगावकर, प्रयोग शाळा तंत्रज्ञ रुपेश नाईक, वाहन चालक अक्षय आसोलकर हे उपस्थित होते.
आजही ग्रामीण भागात सर्दी, खोकला, ताप, कावीळ, मधुमेह, रक्तदाब, डोकेदुखी,अंगदुखी, तसेच विविध अलर्जीची रोग अशा अनेक आजारामध्ये वैद्यकीय सेवेअभावी उपचार घेताना अनेक रुग्णाची खूपच हेळसांड होते. काही गरीब रूग्ण आर्थिकदृष्ट्या औषधोपचार घेण्यास हतबल असतात. मात्र या नॅशनल मोबाईल मेडिकल युनिट मार्फत मोफत आरोग्य तपासणी करून त्यांना औषधोपचारही मोफत केले जातात याबद्दल या रुग्णांनी, ग्रामस्थांनी या युनिट चे विशेष आभार मानले.
यावेळी माजी सरपंच संतोष साळसकर, ग्रा. पं. सदस्य महेश राणे, आशा स्वयंसेविका सौ. प्रणिता राणे, जेष्ठ नागरिक लवू राणे, सुधीर राणे, वामन राणे आदींसह रुग्ण उपस्थित होते.