चिंदर | विवेक परब :
मालवण तालुक्यातील पळसंब गावातील पाचवी ते उच्च शिक्षित असणाऱ्या तरुण, तरुणींसाठी “श्री. जयंती देवी सांस्कृतिक कला क्रिडा मंडळ आयोजित” संकल्प युवा पिढी घडविण्याचा मार्गदर्शन शिबिरास आज दापोली- जालगाव स्थित क्रियाशील पदवीधर शिक्षक तथा सिंधुदुर्गाचे सुपूत्र जेष्ठ साहित्यिक बाबू घाडीगांवकर व निवृत्त क्राईम ब्रांच अधिकारी सुरेंद्र(अन्ना) सकपाळ यांनी मार्गदर्शन केले. यावेळी बोलताना साहित्यिक बाबू घाडीगांवकर म्हणाले की पळसंब गावातील विद्यार्थ्यांनी नियमीत व प्रामाणिकपणे अभ्यास केल्यास पळसंब हे शासकीय कर्मचारी असलेला गाव म्हणून निर्माण होण्यास वेळ लागणार नाही. या शिबिराला पळसंब गावातील ४० युवकांनी सहभाग दर्शवला यावेळी मंडळाचे अध्यक्ष उल्हास सावंत, उपाध्यक्ष अमरेश पुजारे, सचिव तथा पळसंब सरपंच चंद्रकांत गोलतकर, सहसचिव शेखर पुजारे, सदस्य अमित पुजारे, सुरेश पुजारे, अंगणवाडी सेविका निकिता पुजारे, सुरेश पुजारे, रुपेश पुजारे उपस्थित होते.
कार्यक्रमाचे प्रास्तविक-सुत्रसंचालन व समारोप सामाजिक कार्यकर्ते प्रमोद सावंत यांनी केले. अशी मार्गदर्शन शिबिरे दर महिन्याच्या एका रविवारी होणार आहेत अशी माहिती मंडळाचे सचिव तथा पळसंब सरपंच चंद्रकात गोलतकर यांनी दिली.