बांदा | राकेश परब :
बांदा प्राथमिक आरोग्य केंद्रात टेलिमेडिसिन निदान व उपचार सुविधा केंद्राचे लोकार्पण मंत्री चव्हाण यांच्या हस्ते शनिवारी संपन्न झाले. यावेळी आयोजित कार्यक्रमात चव्हाण बोलत होते. कोकण सारख्या ग्रामीण भागात वैद्यकीय अधिकारी येण्यास टाळाटाळ करत असतात त्यामुळे येथील वैद्यकीय सेवेवर त्याचा परिणाम होत असतो, ह्या आरोग्य सेवेचा प्रश्न भरून काढण्यासाठी ग्रामस्थांनी पुढाकार घेऊन गावा गावात डॉक्टर घडविण्यासाठी मुलांना प्रोत्साहित करा असे चव्हाण यांनी यावेळी सांगितले. येत्या काही काळातच जिल्ह्यातील अन्य ३६ प्राथमिक आरोग्य केंद्राना टेलिमेडिसिन सुविधा देण्यात येणार असल्याचेही त्यांनी यावेळी सांगितले
पंतप्रधान नरेंद्र मोदी यांनी भ्रष्टाचार रोखण्यासाठी डिजिटल प्रणालीचा वापर करून कोट्यावधी लोकांना त्याचा फायदा करून दिला त्यामुळेच १ कोटी ६२ लाख रेशनकार्ड धारकांना धान्य मिळण्यास मदत झाली आहे त्याच बरोबर केंद्र शासनाच्या विविध योजनाचे पैसे एका क्लिकवर थेट लाभार्थ्यांच्या खात्यावर जमा झाले असल्याचे चव्हाण यांनी सांगितले.
कार्यक्रमाचे प्रास्ताविक बांदा आरोग्य केंद्राचे वैद्यकीय अधिकारी डॉ. जगदीश पाटील यांनी केले. सूत्रसंचालन दादू कविटकर यांनी केले.
यावेळी भाजप जिल्हाध्यक्ष राजन तेली, युवा मोर्चा जिल्हाध्यक्ष भाई सावंत, सावंतवाडी माजी नगराध्यक्ष संजू परब, तहसीलदार श्रीधर पाटील, डॉ. श्रीपाद पाटील,तालुका आरोग्य अधिकारी डॉ. वर्षा शिरोडकर, गटविकास अधिकारी वासुदेव नाईक, वैद्यकीय अधिकारी डॉ. जगदीश पाटील, डॉ. मयुरेश पटवर्धन, तेजस्विनी माजगावकर, गोडकर सिस्टर, रुपाली म्हाडगूत, रुपेश देसाई, श्वेता व्हराडकर ,सीमा ठाकुर ,
महेश सारंग, श्वेता कोरगावकर, उन्नती धुरी, मानसी धुरी, शीतल राऊळ, सरपंच अक्रम खान, जावेद खतीब, मकरंद तोरसकर बाळू सावंत, विनोद राऊळ, गुरुनाथ पेडणेकर, संदिप बांदेकर, गुरुनाथ सावंत, ज्ञानेश्वर सावंत, बाबा काणेकर, स्वागत नाटेकर, आनंद नेवगी आणि इतर कार्यकर्ते उपस्थित होते.शेवटी आभार सौ. रुपाली शिरसाट यांनी मानले.