‘अरे आवाज कुणाचा’ घोषणांनी दूमदूमला परिसर..!!

नेरूरचा शिवसैनिक आजही ‘एकनिष्ठ’..!!

नेरूर । कुडाळ
देवेंद्र गावडे । उपसंपादक :

परिस्थिती कोणतीही असू द्या जो सदैव ‘भगव्या’शी इमान राखतो, तो खरा ‘निष्ठावंत शिवसैनिक’..!! अशा भावना व्यक्त करत आज नेरूरचे शिवसैनिक ‘दसरा मेळाव्या’मध्ये विचारांचे सोने आत्मसात करण्यासाठी मुंबईच्या दिशेने रवाना झाले.

नेरूर हा सुरूवातीपासूनच शिवसेनेचा बालेकिल्ला राहिला आहे. अनेक स्थित्यंतरे होऊनही हा किल्ला अभेद्य राहीला आणि याचं संपूर्ण श्रेय जात ते नेरूरमधील निष्ठावंत सर्वसामान्य शिवसैनिकांना.

शिवसेनेवरच्या..स्वर्गीय हिंदुहृदयसम्राट शिवसेनाप्रमुख सन्मा. बाळासाहेब ठाकरे यांच्यावरच्या प्रेमापोटी व पक्षप्रमुख उद्धव ठाकरे यांच्याप्रती आदर ठेवून आज देखील इथला सर्वसामान्य शिवसैनिक स्वतःची ‘पदरमोड’ करून दादर-मुंबई येथील छत्रपती शिवाजी महाराज मैदानावर उपस्थित रहाणार आहे. अशा भावना नेरूर गावचे सरपंच शेखर गावडे यांनी व्यक्त केल्या.

याप्रसंगी त्यांच्यासोबत नेरूर गावचे ग्रामपंचायत सदस्य प्रसाद गावडे, माजी सरपंच सुनिल उर्फ पिंट्या गावडे, शिवसैनिक विनय गावडे, शिवसैनिक संदिप वारंग आदि उपस्थित होते.

यापूर्वीच कित्येक शिवसैनिक आमदार वैभव नाईक यांच्या नेतृत्वाखाली मुंबईत दाखल झाले आहेत.

मीळेल त्या वाहनाने, जसे शक्य होईल तसे आपल्या शिवसेना पक्षाची ताकद व आपल्या नेतृत्वाचे हात बळकट करण्याच्या उद्देशाने चाललेली ही सर्वसामान्य शिवसैनिकांची धडपड पाहून, त्यांचे श्रद्धास्थान असणा-या स्वर्गीय शिवसेनाप्रमुख बाळासाहेब ठाकरेंचे ते उद्गार आठवल्याशिवाय रहात नाहीत..

‘ही शिवसेना आहे..आणि शिवसेना..केवळ माझ्या ‘निष्ठावंत’ शिवसैनिकांचीच आहे..!!’