मुणगे येथे गणेशोत्सवा निमित्त साहित्य वितरण.
मसुरे | प्राजक्ता पेडणेकर : सिंधुदुर्ग जिल्ह्यातील मुणगे गावातील प्रभाग क्रमांक १ अंतर्गत आडबंदर, आपईवाडी, वाघोळीवाडी, कारिवणे वाडी मधील ग्रामस्थांना गणेशोत्सवासाठी मोदकाचे पीठ, नारळ, गूळ, अगरबत्ती, धूप, कापूर साहित्य वाटप नुकतेच करण्यात आले.
उपसरपंच श्री.धर्माजी आडकर, ग्रामपंचायत सदस्या सौ.रविना मालाडकर, सौ.अंजली सावंत आणि आडबंदरचे सुपुत्र, यशस्विनी प्रतिष्ठानचे अध्यक्ष श्री.आनंद मालाडकर यांनी सलग दुसऱ्या वर्षी सदर उपक्रम राबविला आहे. मंडळाच्या वतीने घरगुती गणेश सजावट स्पर्धा आयोजित केल्या आहेत.
मुणगे गावात सातत्याने सामाजिक उपक्रम यशस्वी करण्यासाठी माजी सरपंच सौ.सायली बागवे, सरपंच सौ.साक्षी गुरव, पोलीस पाटील सौ. साक्षी सावंत, आरोग्यसेविका सौ. दुर्गा परब, बचत गटांचे पदाधिकारी आणि सर्व सदस्यांची कौतुकाची थाप नेहमीच पाठीशी असते.
अशी माहिती श्री.आडकर, सौ. मालाडकर, सौ.सावंत यांनी दिली.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
