संदीप साटम मित्र मंडळाचे आयोजन..!

संतोष साळसकर | ब्युरोचीफ :
भाजप जिल्हा कार्यकारणी सदस्य संदीप साटम मित्र मंडळाने आयोजित केलेल्या पावसाळी रबर बॉल भव्य ओव्हर आर्म क्रिकेट स्पर्धेत
डि आर सी सी देवगड संघ विजयी होऊन त्यांनी भाजप चषक पटकावला आहे.

देवगड तालुक्यातील शिरगांव येथील श्री पावणाई मंदिर नजीक असलेल्या मैदानात दोन दिवस चाललेल्या क्रिकेट स्पर्धेत २४ संघ सहभागी झाले होते. अंतिम सामन्यात डिआर सी सी देवगड यांनी प्रथम क्रमांक पटकावला त्यांना ११ हजार १११ रुपये रोख व भाजप चषक देऊन गौरविण्यात आले तसेच नांदगाव क्रिकेट संघाने द्वितीय क्रमांक मिळवला त्यांना ७ हजार ७७७रुपये रोख व भाजप चषक देऊन गौरविण्यात आले.

बक्षीस वितरण प्रसंगी माजी प्राचार्य विजय कदम जिल्हा कार्यकारणी सदस्य संदीप साटम युवा मोर्चाचे देवगड तालुका अध्यक्ष अमित साटम, पुरुषोत्तम साटम, हडपीड सरपंच दाजी राणे, आसिफ कादरी ,प्रशांत शिरगांवकर ,पोलिस ॲकॅडमीचे प्रशिक्षक राजेंद्र शेट्ये,सुंदर पवार, नितीन घाडी आदी उपस्थित होते.

तसेच उत्कृष्ट फलंदाज वेदांत जाधव , उत्कृष्ट गोलंदाज अमीर बटवाले , उत्कृष्ट क्षेत्ररक्षक अवि देवगडकर, मालिकावीर प्रकाश पराडकर यांनाही बक्षीस देऊन गौरविण्यात आले.

तसेच मयूर स्पोर्ट्स यांच्याकडून खेळाडूंना टि शर्ट देण्यात आली.
या स्पर्धा यशस्वी होण्यासाठी ओमकार तावडे ,आनंद परब , सोनु मोंडकर , युध्दीराज राणे, प्रथमेश जाधव ,आदित्य चव्हाण, मंगेश साटम, अजय घाडी, विनोद सरफरे यांनी विशेष मेहनत घेतली.