संतोष साळसकर | ब्युरोचीफ :
सर्व धम्मबांधव व भगिनींना कळविण्यात येते कि, देवगड तालुका बौद्धजन सेवा संघ-तळेबाजार मुंबई/गावशाखा, महिला सेवा संघ यांच्यावतीने दिनांक ११ ऑगस्टला वर्षावास पौर्णिमा कार्यक्रमाचे आयोजन करण्यात आले आहे.

सकाळी ११ ते दुपारी १ वाजता बुद्ध विहार तथा डॉ. बाबासाहेब आंबेडकर स्मारक, तळेबाजार येथे कार्यक्रमाचे आयोजन करण्यात आले आहे.
कार्यक्रमासाठी प्रमुख मार्गदर्शक म्हणून बौध्द धम्माचे अभ्यासक आयु. पी. के. जाधव-फोंडाघाट हे उपस्थित राहणार आहेत. यावेळी सामुदायिक त्रिसरण, पंचशील तसेच पुजापाठ आदी धार्मिक विधी होतील. त्यानंतर विषय-बौध्द धम्मातील रितीरिवाज व पद्धती तसेच धार्मिक विधी संस्कार पद्धती यावर मार्गदर्शन केले जाणार आहे. तसेच संघाच्या उपासकांना स्वतंत्र मार्गदर्शन केले जाणार आहे. कार्यक्रमाच्या समारोप प्रसंगी खीरदानाचा कार्यक्रम होणार आहे. तरी आपण सर्वांनी वर्षावास कार्यक्रमाला उपस्थित रहावे असे आग्रहाचे निमंत्रण देत आहोत.
तसेच संघाच्या सर्व उपासकांनी व नवोदित उपासकांनी कार्यक्रमाला उपस्थित रहावे. त्याचप्रमाणे गावप्रतिनिधी, गाव मंडळाच्या सर्व पदाधिकारी व सदस्य त्याचप्रमाणे गाव महिला मंडळाच्या पदाधिकारी व सदस्यांनी उपस्थित राहावे असे आवाहन अध्यक्ष शामसुंदर जाधव,सचिव राजेंद्र मुंबरकर
तसेच कार्यकारीणी पदाधिकारी यांनी केले आहे.