शिरगांव / संतोष साळसकर :

देवगड तालुक्यातील साळशी येथील माध्यमिक विद्यामंदिर प्रशालेत लो‌.टिळक पुण्यतिथी निमित्त विद्यार्थी कथाकथन स्पर्धा उत्साहात पार पडली.यानिमित या हायस्कूल चे मुख्याध्यापक माणिक वंजारे यांच्या सुविद्य पत्नी सौ. ‌समिधा माणिक वंजारे, प्र.मुख्या., शिरगाव इंग्लिश मिडियम स्कूल यांनी थोडी फार ग्रामीण भागांतील विद्यार्थ्यांना मदत करण्याच्या उद्देशाने मोफत दिलेल्या २४ डझन फुलस्केप वह्यांचे, हायस्कूल च्या सर्व विद्यार्थ्यांना वाटप करण्यात आले.

या निमित्ताने झालेल्या कार्यक्रमाच्या अध्यक्षस्थानीस्कूल कमिटी सदस्य
तथा माजी उपसरपंच राजेंद्र साटम व प्रमुख पाहुणे म्हणून मुख्याध्यापक ‌माणिक वंजारे, यांनी स्विकारले.अध्यक्षांच्या हस्ते लो. टिळक यांच्या प्रतिमेचे पूजन करण्यात आले.त्यांच्या अध्यक्षीय भाषणात सौ.समिधा माणिक वंजारे यांनी वह्यांच्या स्वरुपात केलेल्या सहकार्याबद्दल संस्थेच्या वतीने त्यांचे मनःपूर्वक आभार मानले.यावेळी स्वप्नील भरणकर, सदाशिव भिसे उपस्थित होते.
यावेळी संजय मराठे व पुरुषोत्तम साटम या शिक्षकांनी आपले विचार मांडले. सुमन लब्धे , वी ह्या विद्यार्थ्यीनीने सूत्रसंचालन केले तर आभार प्रदर्शन मानसी लाड,इ. १० वी हिने मानले. या सर्व कार्यक्रमासाठी पुरुषोत्तम साटम यांचे मार्गदर्शन लाभले.