कल्याण लोकसभा मतदारसंघाचे शिवसेनेचे खासदार श्रीकांत शिंदे.

डोंबिवली | प्रतिनिधी : कोकणातील गणेशभक्त चाकरमान्यांसाठी कल्याण लोकसभेचे खासदार डाॅ. श्रीकांत एकनाथ शिंदे यांनी एक खुशखबर दिली आहे. डाॅ. श्रीकांत एकनाथ शिंदे यांनी कोकणात गणेश चतुर्थीनिमित्त जाणार्या चाकरमान्यांसाठी मोफत बससेवेचे आयोजन केले आहे.

महाड,मंडणगड, दापोली, खेड,चिपळूण मार्गे गुहागर, रत्नागिरी,मालवण,देवगड, वेंगुर्ला, कणकवली आणि सावंतवाडी येथे गणेशोत्सव साजरा करण्यासाठी जाणार्या चाकरमान्यांना ह्या सेवेचा लाभ घेता येईल .

कोरोनाकाळ, मंदी यामुळे त्रस्त असलेल्या सामान्य चाकरमान्यांना हा एक दिलासा द्यायचा उपक्रम असल्याचे सांगण्यात आले आहे.
या मोफत बससेवेसाठी डोंबिवलीतील मानपाडा रोडवरील, शिवसेना डोंबिवलीच्या मध्यवर्ती शाखेमध्ये किंवा डोंबिवलीतील आपल्या जवळच्या शिवसेना शाखेमध्ये संपर्क करायचे आवाहन करण्यात आले आहे.

दिनांक २८ ऑगस्ट पर्यंत बुकींग तथा आरक्षणाची शेवटची तारीख जाहीर करण्यात आल्याचे शिवसेना डोंबिवली प्रमुख राजेश गोवर्धन गोरे यांच्यातर्फे जाहीर पत्रकाद्वारे कळविण्यात आले आहे.

अधिक माहितीसाठी खालील नांव व क्रमांकावर संपर्क साधण्याचे आवाहन करण्यात आले आहे.
1) सतिश मोडक : 9820390165

2)संतोष चव्हाण : 9769446413

3)सागर जेधे :9224444433