सिंधुदुर्ग जिल्ह्यातील लेदरबाॅल क्रिकेटची लक्षणीय स्पर्धा..!

तारकर्ली | सुरेश बापार्डेकर : सिंधुदुर्ग जिल्ह्यातील ग्रामीण क्रिकेट क्लब असून संपूर्ण व्यावसायिक तथा काॅर्पोरेट स्तरावरची आखणी करणार्या तारकर्ली क्रिकेट क्लब तर्फे आयोजीत ‘साऊथ मालवण चॅम्पियन ट्रॉफी’ या स्पर्धेची उत्सुकता शिगेला पोचली आहे. ही स्पर्धा मालवणच्या दक्षिण भागातील खेळाडूंना लेदर क्रिकेटचे मैदान क्षेत्र मिळवून देणारी असून ती http://localhost/news/public/uploads/2021 पासून सुरु झालेली एक लक्षवेधी क्रिकेट स्पर्धा आहे.

ही उन्हाळी क्रिकेट स्पर्धा तारकर्ली गावाच्या शेजारील गावांतील क्रिकेटपटुंना लेदर क्रिकेट स्पर्धा खेळण्याची संधी उपलब्ध करून देते.

स्पर्धेचे हे दुसरे वर्ष असून या वर्षी या स्पर्धेत ऍक्वा मॅजिक देवबाग, डि. सी. सी वायरी, दांडी चॅलेंजर्स, आणि तारकर्ली क्रिकेट क्लब हे 4 संघ सहभागी होत आहेत.

येत्या 6 ते 9 एप्रिल दरम्यान मालवण एज्युकेशन सोसायटीच्या टॉपिवाला बोर्डिंग मैदानावर हि स्पर्धा रंगणार आहे.
ग्रामीण भागातून भविष्यात लेदर क्रिकेट स्तरावरील दर्जेदार खेळाडू घडावेत हा ही स्पर्धा आयोजित करण्या मागचा उद्देश आहे अशी माहिती तारकर्ली क्रिकेट क्लबचे अध्यक्ष हर्षवर्धन रोगे यांनी दिली.