सरसंघचालक डाॅ. मोहन भागवत सिंधुदुर्गात...!

प्रकाशन: 25 Feb 2022 12:21 AM

वाचन संख्या 118

कुडाळ

चिंदर | विवेक परब : सिंधुदुर्ग जिल्ह्यात राष्ट्रीय स्वयसेवक संघाचे सरसंघचालक डाॅ. मोहन भागवत यांचे आगमन होणार आहे. 26 व 27 फेब्रुवारी रोजी आयोजित करण्यात आलेल्या कार्यकर्ता प्रशिक्षण वर्गास मार्गदर्शन करण्यासाठी सरसंघचालक येथे पूर्ण वेळ उपस्थित असणार आहेत.

सरसोली धाम ,कुडाळ येथे सरसंघचालक येत असून संघाच्या ठराविक वर्गाच्या रचनेसाठीच हे प्रशिक्षण आहे.
कार्यकर्ता प्रशिक्षण हा संघाच्या कार्यपद्धतीचा एक अविभाज्य भाग आहे. संघाचे दैनंदिन काम, नैमित्तिक उपक्रमांच्या प्रभावी संचलनात या प्रशिक्षण सत्राचे मोठे योगदान असते.
कोकण प्रांतातील संघचालक जबाबदारी भूषविणा-या सर्व कार्यकर्त्यांचे या निमित्ताने एकत्रीकरण होणार आहे. सरसंघचालकांसह संघाचे सहसरसंघचालक अरुणकुमार व महाराष्ट्र, गोवा, गुजरात या रांज्याच्या समावेश असलेल्या पश्चिम क्षेत्राचे संघचालक डाॅ. जयंतीभाई भडेसिया हे देखील या प्रशिक्षण वर्गास मार्गदर्शन करण्यासाठी उपस्थित राहाणार आहेत.
संघचालक हा संघाच्या कार्यकर्त्यांचा पालक कार्यकर्ता समजला जातो.
तालुका, जिल्हा, विभाग अशा विविध स्तरावरील कामात सरसंघचालकाची महत्त्वाची भूमिका असते. बहुतेकदा समाजातील जबाबदार लोकांकडे याचे दायित्व सोपवले जाते.

संबंधित बातम्या