मुणगे प्रिमिअर लीग विश्वस्थ मंळाचे आयोजन.

मसुरे | प्राजक्ता पेडणेकर : सिंधुदुर्ग जिल्ह्यातील देवगड तालुक्यातील मुणगे प्रिमिअर लीग विश्वस्थ मंळाच्यावतीने आयोजित रक्तदान शिबिरात पच्याहत्तर रक्तदात्यानी रक्तदान केले. येथील श्री देवी भगवती देवस्थानच्या त्रैवार्षिक सत्यनारायण महापुजेचे निमित्ताने देवी भगवती मंदीर लगतच्या भक्तनिवास मध्ये रक्तदान शिबिराचे आयोजन करण्यात आले होते. या शिबिराचे उद्घाटन देवी भगवती देवस्थानचे अध्यक्ष दिलीप महाजन व सचीव दिलीपकुमार महाजन यांच्याहस्ते करण्यात आले.

यावेळी देवस्थान समीतीचे सदस्य देवदत्त पुजारे, दिगंबर पेडणेकर,तसेच मुणगे प्रिमिअर लीग विश्वस्थ मंडळाचे समिर महाजन, निषाद परूळेकर, शंकर मुणगेकर, आशिष आईर, आनंद वळंजू, केदार उर्फ साई वळंजू, नारायण सावंत, दिनेश सावंत, दुलाजी सावंत, योगश लब्दे ,रविंद्र आईर,निलेश शेट्ये, कोल्हापूर विभागिय रक्त पेढीचे जयवंत कदम व त्यांचे सहकारी आणि विश्वस्थ मंडळाचे सभासद आदी उपस्थित होते. शासकिय वैद्यकीय महाविद्यालय सी.पी आर .हाँस्पिटल विभागिय रक्तपेढी कोल्हापूर याच्यावतीने दात्यांचे रक्त संकलीत करण्यात आले. देवस्थान विश्वस्थ देवदत्त पुजारे म्हणाले, रक्त दान हे सर्वश्रेष्ठ दान असून या रक्तामुळे प्रसंगी कोणाच्या तरी आई, वडील, भाऊ, बहिण, पत्नी, मुलगा यांचा जीव वाचू शकतो. मुणगे सारख्या खेडे गावामध्ये मुणगे प्रीमिअर लीग विश्वस्थ मंडळाने हा चांगला उपक्रम गावात राबविला असून मंडळास शुभेच्छा दिल्या. यावेळी मुणगे, मिठबांव, हिंदळे, तसेच पोयरे ,मशवी आदी गावातील तरूणानी रक्तदान केल्याबद्दल रक्तदात्यांचे आभार मानण्यात आले.