बांदा | राकेश परब : सिंधुदुर्ग जिल्ह्यातील बांदा येथील शिवतेज सेवा संस्थेच्या वतीने घेण्यात आलेल्या बांदा विभाग आयोजित विविध स्पर्धांत श्री मंगेश रघुनाथ कामात चॅरिटेबल ट्रस्ट मुंबईच्या व्ही एन नाबर मेमोरियल इंग्लिश मीडियम स्कूल ,बांदा प्रशालेच्या विद्यार्थ्यांनी घवघवीत यश संपादन केले . पहिली ते चौथी गटात वेशभूषा स्पर्धेत वैभवी सुभाष धुरी हिने तृतीय क्रमांक प्राप्त केला ,तर पोवाडा गायन स्पर्धेत अथर्व सावंत याने प्रथम ,अस्मि देसाई हिने तृतीय क्रमांक मिळवला. इयत्ता पाचवी ते सातवी गटात वेशभूषा स्पर्धेत संस्कार शिरोडकर याने प्रथम ,दर्शील राऊळ याने द्वितीय तर सानवी राऊळ हिने तृतीय क्रमांक मिळवला . वक्तृत्व स्पर्धेत अथर्व नेमळेकर याने द्वितीय तर चित्रकला स्पर्धेत अधिराज गवळे याचे चित्र लक्षवेधी ठरले. रांगोळी स्पर्धेत अमोल गाड याने उत्तेजनार्थ पारितोषिक मिळवले. खुल्या गटात प्रशालेच्या शिक्षिका सौ रिना मोरजकर यांनी वक्तृत्व आणि वेशभूषा स्पर्धांत प्रथम क्रमांक मिळवला . सर्व यशस्वी विद्यार्थ्यांना प्रशालेच्या शिक्षिका रीना मोरजकर तसेच दीक्षा नाईक यांचे मार्गदर्शन लाभले.
संस्थेचे अध्यक्ष श्री मंगेश कामत ,प्रशालेच्या मुख्याध्यापिका सौ मनाली देसाई ,सर्व शिक्षक ,शिक्षकेत्तर कर्मचारी यांनी यशस्वी विद्यार्थ्यांचे अभिनंदन केले व पुढील वाटचालीसाठी शुभेच्छा दिल्या.