मालवण पत्रकार समितीची मोफत आरोग्य शिबिर उपक्रमाद्वारा सामाजिक बांधिलकी..!
१२ फेब्रुवारी रोजी केले तालुकावासियांसाठी ग्रामीण रूग्णालयात मोफत आरोग्य शिबिराचे आयोजन.
मालवण | ब्युरो न्यूज : सिंधुदुर्ग जिल्ह्यातील मालवण पत्रकार समितीच्यावतीने १२ फेब्रुवारी रोजी सकाळी दहा ते एक यावेळेत तालुकावासियांसाठी येथील ग्रामीण रूग्णालयात मोफत आरोग्य शिबिराचे आयोजन करण्यात आले आहे. या शिबिरात हृदयविकार, मधुमेह, किडनीविकारासह हाडांच्या आजारावर मोफत तपासणी तज्ज्ञ डॉक्टरांच्या माध्यमातून होणार आहे.
डॉ. गौरव घुर्ये हे हृदयरोग, श्वसनविकार, मधुमेह व किडनी विकारावर रुग्णांची तपासणी करणार आहे. डॉ. दत्तात्रय ठाकूर हे हाडांचे आजार, मणक्यांचे आजार, सांधेदुखी, संधीवात, हाडांचे इन्फेक्शन यासह अन्य हाडांच्या आजाराच्या रुग्णांची तपासणी करणार आहेत. या शिबिराचा तालुक्यातील रुग्णांनी लाभ घ्यावा असे आवाहन मालवण पत्रकार समितीच्यावतीने करण्यात आले आहे.
मालवण पत्रकार समितीच्यावतीने वेळोवेळी सामाजिक उपक्रम आयोजीत केले जातात. कोरोना कालावधीमध्येही प्रशासनाच्या अनेक उपाययोजना व आखणीमध्ये पत्रकारसमितीच्या अभ्यासपूर्ण चर्चा व सूचनांचादेखील अतिशय गांभिर्याने अंतर्भाव केला गेला होता.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
