ऍट्रॉसिटीच्या आरोपातून शिवडावचे सत्यवान मेस्त्री निर्दोष.
कणकवली | उमेश परब (सिंधुदुर्ग ब्युरोचीफ) : सिंधुदुर्ग जिल्ह्यातील शिवडाव प्राथमिक शाळेतील शारदोत्सवाच्या कार्यक्रमाच्यावेळी जातीवाचक शिवीगाळ केल्याच्या आरोपातून शाळा व्यवस्थापन समितीचे तत्कालीन अध्यक्ष सत्यवान अनंत मेस्त्री यांची अतिरिक्त जिल्हा व सत्र न्यायाधीश तथा विशेष न्यायाधीश आर. बी. रोटे यांनी निर्दोष मुक्तता केली. आरोपीतर्फे ॲड. उमेश सावंत यांनी काम पाहिले.
दि. ८ ऑक्टोबर २०१६ रोजी शिवडाव येथील प्राथमिक शाळेत शारदोत्सवाच्या कार्यक्रमावेळी जेवण बनविण्यासाठी आलेल्या काही महिलांना जातीवाचक शिवीगाळ केल्याप्रकरणी दिलेल्या तक्रारीवरून आरोपीवर अनुसूचित जाती जमाती अत्याचार प्रतिबंधक कायदा १९८९ चे कलम ३ (१) आर प्रमाणे गुन्हा दाखल करण्यात आला होता. सुनावणीदरम्यान, आरोपीविरुद्ध कोणताही सबळ पुरावा न आल्याने न्यायालयाने आरोपीची निर्दोष मुक्तता केली.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
