जनता विद्या मंदिर त्रिंबकचा सत्कार व बक्षिस वितरण समारंभ उत्साहात संपन्न..

चिंदर | विवेक परब : जनता विद्या मंदिर त्रिंबक या प्रशालेचा सत्कार व बक्षिस वितरण सोहळा आज माध्यमिक शिक्षण प्रसारक मंडळ त्रिंबकचे अध्यक्ष प्रताप सहदेव बागवे यांच्या अध्यक्षतेखाली संपन्न झाला. शाळेसाठी बहुमोल योगदान देणारे चतुर्थश्रेणी कर्मचारी शत्रुघ्न(धकू) त्रिंबककर, सहाय्य शिक्षक सुरेश पवार, त्रिंबक गृप सोसायटी नवनिर्वाचित अध्यक्ष व संचालक श्रीकांत बागवे या त्रिमूर्तींचा सत्कार समारंभ पार पडला.
प्रास्ताविकामध्ये मुख्याध्यापकांनी कार्यक्रमाचे औचित्य विशद केले, माध्यमिक शालांत परीक्षेत उत्तीर्ण विद्यार्थ्यांच्या मधून गुणवंत विद्यार्थ्यांचा यावेळी सत्कार करण्यात आला. संस्थेकडे ठेवलेल्या ठेवीतून शाळेतील गुणवंत विद्यार्थ्यांना पारितोषिके वितरित करण्यात आली, यावेळी सरपंच विलास त्रिंबककर, श्रीकांत बागवे, अशोक बागवे, सौ अर्चना बागवे, विलास हडकर, सुरेंद्र सपकाळ यांनी विद्यार्थ्यांना बहुमोल मार्गदर्शन केले. शाळेतील रोडावत चाललेली मुलांची संख्या व इग्लिश मेडियमकडे वाढतचाललेला पालकांचा कल पाहता एक गाव एक शाळा संकल्पना राखवल्यास ग्रामीण भागातील शिक्षणाचा दर्जा वाढेल व पटसंख्खा योग्य राहिल असे मत अध्यक्षीय भाषणात प्रताप बागवे यांनी मांडले. यावेळी संचालक एकनाथ घाडी, पोलिस पाटील बाबू सकपाळ, धुरे सर, एकनाथ गायकवाड, साटम, मेंहेदळे, पालक विद्यार्थी मोठ्या संख्येने उपस्थित होते. कार्यक्रम यशस्वी करण्यासाठी संस्था कार्यवाह सुरेंद्र (अन्ना)सकपाळ यांनी परिश्रम घेतले. दिवंगत गानसम्राज्ञी भारतरत्न कै. लता मंगेशकर यांना सौ बागवे मॅडम यांच्या कडून गायनातून व सर्व उपस्थितांकडून एक मिनिट स्तब्ध राहून श्रद्धांजली वाहण्यात आली.
या सोहळ्यास मालवणी बाजार शाखा आजरा यांच्या वतीने खाऊवाटप करण्यात आले. याप्रसंगी कार्यक्रमाचे सूत्रसंचालन गायकवाड सर यांनी, तर प्रास्ताविक प्रशालेचे मुख्याध्यापक घाडीगावकर सर यांनी केले.
कार्यक्रमाच्या शेवटी वारंग सर यांनी उपस्थितांचे आभार मानले व पसायदानाने कार्यक्रमाची सांगता करण्यात आली.