शासकीय तंत्रनिकेतन मालवणचे आयोजन

मसुरे | प्राजक्ता पेडणेकर : शासकीय तंत्रनिकेतन मालवण आयोजित जिल्हास्तरीय ऑनलाइन विज्ञान प्रदर्शनात रोझरी इंग्लिश स्कूल मालवणच्या ओम सुमित मसुरकर व देवम रवींद्र मयेकर यांनी प्रथम क्रमांक पटकावला. नववी व दहावीच्या विद्यार्थ्यांसाठी आयोजित विज्ञान प्रदर्शनाचे उद्घाटन संस्थेचे प्राचार्य डॉक्टर सुरेश पाटील यानी केले तर बक्षीस वितरण सिंधुदुर्ग जिल्हा माध्यमिक व उच्च माध्यमिक मुख्याध्यापक संघाचे अध्यक्ष श्री वामन तर्फे यांच्या हस्ते पार पडला. कोविड-१९ च्या कठीण काळात सुद्धा ऑनलाइन प्रदर्शनामध्ये जिल्ह्यामधील आठ शाळां मधून एकूण 13 विद्यार्थी सहभागी झाले होते. उर्वरित निकाल पुढील प्रमाणे; द्वितीय क्रमांक प्रगत विद्यामंदिर रामगड च्या केतन उल्हास सावंत व प्राची उल्हास तारी, तृतीय क्रमांक कुडाळ हायस्कूल व ज्युनियर कॉलेज कुडाळच्या प्रथमेश प्रशांत केरवडेकर आणि विश्वजीत अविनाश परीट तर उत्तेजनार्थ म्हणून बॅरिस्टर नाथ पै विद्यालय कुडाळ ची विद्यार्थिनी पर्णीका अनिरुद्ध गोलतकर हिची निवड करण्यात आली.

परीक्षक म्हणून शासकीय तंत्रनिकेतन मालवणचे प्राध्यापक डॉ. योगेश महाडिक आणि प्राध्यापक सचिन राजाध्यक्ष यांनी काम पाहिले तर प्राध्यापक दत्तप्रसाद गोलतकर यांनी कार्यक्रमाचे संयोजन केले. संपूर्ण कार्यक्रमाचे यु ट्यूब लाईव्ह च्या माध्यमातून थेट प्रसारण करण्यात आले.