साळशी येथील मोडिलिपी तज्ञ बळीराम सिताराम गांवकर यांचे निधन

प्रकाशन: 15 Jan 2022 04:24 PM

वाचन संख्या 107

देवगड

शिरगाव/संतोष साळसकर : देवगड तालुक्यातील साळशी गावचे सुपुत्र तथा मोडिलिपी तज्ञ बळीराम सिताराम गांवकर यांचे पनवेल येथे नुकतेच वृधापकालाने निधन झाले. साळशी गावच्या इनाम देवस्थानची ऐतिहासिक माहिती जतन करण्यासाठी स.न.२००८ मधे त्यानी एक पुस्तक प्रकाशित केले आहे.त्यासाठी अनेक अडणीना सामोरे जावे लागले होते. ते मोडीलिपीचे जाणकार होते. त्यामुळे साळशी गावची ऐतिहासिक माहिती संकलित करून पुस्तक प्रकाशित केले. नोकरी निमित्त पनवेल येथे स्थायिक झाले होते. तेथील सिंधुदुर्ग हितवर्धक संघाचे सभासद व सल्लागार मार्गदर्शक होते. नोकरी निमित्त पनवेल रहात असले तरी त्याना गावची ओढ कायम होती. त्यांच्या पश्चात पत्नी मुलगा मुलगी भाऊ चुलत भाऊ पुतणे जावई नातवंडे असा मोठा परिवार आहे. त्यांच्या निधनाने मोडिलिपीतील जुने जाणकार व्यक्तिमत्व हरपल्याने हळहळ व्यक्त होत आहे.

संबंधित बातम्या