जिल्ह्यात आज 116 रुग्णांची कोरोनावर मात, तर नवीन 114 व्यक्तींचा कोरोना तपासणी अहवाल पॉजिटीव्ह
ओरोस/ प्रतिनिधी: सिंधुदुर्ग जिल्ह्यात आज नवीन 114 व्यक्तींचा कोरोना तपासणी अहवाल पॉजिटीव्ह आला आहे. यामुळे सक्रिय रुग्णांची संख्या 997 वर पोहचली आहे. आज पॉजिटीव्ह मिळालेल्या रुग्णांमध्ये कुडाळ तालुक्यात सर्वाधिक 32 रुग्ण सापडले आहेत. तर आज 116 रुग्णांनी कोरोनावर मात केली असल्याची माहिती प्रभारी जिल्हा शल्य चिकित्सक डॉ श्रीपाद पाटील यांनी दिली.
जिल्ह्यात आज 114 व्यक्तींचा कोरोना तपासणी अहवाल पॉजिटीव्ह आला आहे. यामुळे जिल्ह्यात सक्रिय रुग्णांची संख्या 997 झाली आहे. पॉजिटीव्ह आलेल्यांमध्ये देवगड तालुक्यातील 5, दोडामार्ग 26 , कणकवली 15 , कुडाळ 32 , मालवण 9, सावंतवाडी 14, वैभववाडी 2, वेंगुर्ला 8, जिल्ह्याबाहेरील 3 रुग्णांचा समावेश आहे .
आज 116 रुग्ण कोरोनामुक्त –
जिल्ह्यात आज 116 रुग्णांनी कोरोनावर मात केल्याने कोरोनावर मात करणाऱ्या रुग्णांची संख्या 51 हजार 972 वर पोहचली आहे. तर 2 रुग्णांचा मृत्यू झाल्याने कोरोनामुळे मृत्यू झालेल्या रुग्णांची संख्या 1 हजार 468 वर पोहचली आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
