आद्य पत्रकार बाळशास्त्री जांभेकर यांच्या जलमगावी पोंभुर्ले येथे २० फेब्रु.ला पुरस्कार वितरण सोहळा

शिरगाव /संतोष साळसकर : देवगड तालुका पत्रकार समितीच्या वतीने सन २०२१-२२ या वर्षातील दिला जाणारा आद्य पत्रकार बाळशास्त्री जांभेकर आदर्श पत्रकार पुरस्कारांची निवड समितीच्या विशेष सभेत जाहीर करण्यात आली. या पुरस्कारांचे वितरण आद्य पत्रकार बाळशास्त्री जांभेकर यांच्या पोंभुर्ले जलमगावी २० फेब्रु. रोजी प्रमुख मान्यवरांच्या उपस्थित होणार आहे. देवगड तालुका पत्रकार समितीची विशेष सभा समितीचे अध्यक्ष अयोध्याप्रसाद गावकर यांच्या अध्यक्षतेखाली देवगड येथील शासकीय विश्रामगृहात घेण्यात आली.यावेळी आद्यपत्रकार बाळशास्त्री जांभेकर आदर्श जेष्ठ पत्रकार पुरस्कार-आनंद लोके, शहरी विभागासाठी-राजीव मधुकर पडवळ,ग्रामीण विभागासाठी-पेंढरी येथील विलास गुरव यांना आदर्श पत्रकार पुरस्कार तसेच विशेष सन्मान पुरस्कारासाठी-देवगड येथील सामाजिक कार्यकर्ते अनिल खडपकर यांची निवड करण्यात आली आहे.या सर्व पुरस्काराचे वितरण पोंभुर्ले येथे २० फेब्रु. रोजी होणार आहे.यादिवशी प्रमुख मान्यवरांच्या उपस्थितीत पत्रकारांसाठी मार्गदर्शन शिबिराचे आयोजन करण्यात आले आहे.अशी माहिती अध्यक्ष श्री गावकर यांनी दिली.यावेळी समितीचे उपाध्यक्ष दयानंद मांगले, उपाध्यक्ष अनिल राणे,सचिव सचिन लळीत, आचरेकर, संतोष कुळकर्णी, सुरज कोयंडे,राजेंद्र मुंबरकर, वैभव केळकर,विष्णू धावडे आदी उपस्थित होते.