साळशी येथे भर वस्तीत बिबट्याचा वावर वृत्त प्रसिद्ध होताच वनरक्षकांची साळशी गावाला भेट
आपली सिंधूनगरी च्या वृत्ताची वनखात्याकडून तात्काळ दखल
शिरगाव/संतोष साळसकर : देवगड तालुक्यातील साळशी येथे भरमानवी वस्तीत बिबट्यांची दहशत असे आपली सिंधूनगरीने नुकतेच वृत्त प्रसिद्ध केले होते. परिसरातील ग्रामस्थ शेतकरी यांचे पाळीव कुत्रे,मांजरे यांचे या बिबट्याने लक्ष केले होते.गेले अनेक दिवस या बिबट्याचा वावर असल्यामुळे गावात भितीचे वातावरण निर्माण झाले होते. या वृत्ताची संबंधीत वनविभागाने दखल घेवून वनरक्षक निलेश साठे यानी तातडीने साळशी गावात संबंधीत रहिवासी यांची भेट घेवून परिसराची पाहणी केली ग्रामस्थांबरोबर चर्चा करत मनातील भिती दूर केली तसेच खबरदारीचे घेण्यासाठी मार्गदशन व उपाययोजना सांगितली. यावेळी गावच्या पोलीस पाटील सौ.कामिनी नाईक आदींसह ग्रामस्थ उपस्थित होते.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
