पं. स. सदस्य मिलिंद मेस्त्री यांनी छेडले लाक्षणिक उपोषण
कणकवली | उमेश परब : स्वतःच्या मर्जीतील ठेकेदारांना ठेका न मिळाल्यामुळे ओसरगाव पं स मतदारसंघातील विकासकामे अडवून ठेवल्याबद्दल पं. स. सदस्य मिलिंद मेस्त्री यांनी डीपीडिसी मिटिंगच्या मुहूर्तावरच ओरोस येथे लाक्षणिक उपोषण छेडले आहे. ओसरगाव पं. स मतदारसंघातील ओसरगाव गावठणवाडी येथील साकव बांधणे, ओसरगाव मळीवाडी दीपक धुरी यांच्या घराजवळ साकव बांधणे, वागदे डंगळवाडी संतोष गावडे यांच्या घराजवळील नाल्यावर साकव बांधणे, या कामांच्या निविदा प्रक्रिया पूर्ण होऊनही निविदा खुल्या केल्या नाहीत. निविदा स्पर्धेत शिवसेनेच्या मर्जीतील ठेकेदाराना ठेका मिळाला नसल्यामुळे निविदा खुल्या केल्या नसल्याचा आरोप पं. स. सदस्य मिलिंद मेस्त्री यांनी केला आहे. पालकमंत्री आणि प्रशासनाच्या अजब कारभाराविरोधात डीपीडिसी मिटिंग दिवशी लाक्षणिक उपोषण छेडण्याचा इशारा पं. स. सदस्य मिलिंद मेस्त्री यांनी दिला होता. त्यानुसार आज सकाळी मेस्त्री यांनी लाक्षणिक उपोषण सुरू केले.
यावेळी वागदे माजी सरपंच संदीप सावंत, समीर प्रभुगावकर, लक्ष्मण घाडीगांवकर, गणेश तळगावकर, प्रदीप गावडे, सुदर्शन राणे आदींनी उपोषणस्थळी जात मेस्त्री यांना पाठिंबा दिला.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
संबंधित बातम्या
समान विभागातील बातम्या
कविवर्य नारायण सुर्वे जन्मशताब्दीनिमित्त 'गोपुरी आश्रम' कणकवली येथे १८ ऑक्टोबर रोजी अभिवादन सोहळ्याचे आयोजन.
'आम्ही ज्या दिवशी राजकारणात येऊ त्या दिवशीपासून भले भले गायब होतील...!'
