मालवण | प्रतिनिधी : शिवराज्याभिषेक दिन सोहळ्याच्या ३५१ व्या वर्धापन दिनानिमित्त ६ जून रोजी होणाऱ्या शिवराज्याभिषेक सोहळ्यानिमित्त श्री शिवराज मंच मालवण यांच्यावतीने ‘शिवराज भूषण’ हे ऐतिहासिक नाट्य साकारले जाणार आहे. या नाट्याचा तालीम शुभारंभ अक्षय तृतीया शुभ मुहूर्तावर मामा वरेरकर नाट्यगृह, मालवण येथे छत्रपती शिवाजी महाराज यांच्या प्रतिमेचे पूजन करून तसेच श्रीफळ ठेवून मालवण नगरपरिषदेचे मुख्याधिकारी संतोष जिरगे, अभिनेते अभय खडपकर यांच्या प्रमुख उपस्थितीत संपन्न झाला.

या नाटकाची संकल्पना आणि निर्मिती उद्योजक तथा शिवप्रेमी भूषण साटम यांची असून दिग्दर्शन गणेश मेस्त्री यांचे आहे. या नाटकाचे प्रयोग व्यावसायिक रंगभूमीवर करण्यात येणार आहेत, अशी माहिती शिवराज मंच तर्फे देण्यात आली आहे. यावेळी मुख्याधिकारी संतोष जिरगे यांनी विशेष मनोगत व्यक्त केले.

नाटकाचे निर्माते भूषण साटम यांनी प्रास्ताविक करत नाटक सादरीकरणामागील उद्देश स्पष्ट केला. त्यानंतर कवी भूषण यांचा ब्रज भाषेतील छंदाचे त्यांनी सादरीकरण केले.

या प्रसंगी श्री. प्रकाश कुशे, उद्योजक भूषण साटम, संजय शिंदे, भाऊ सामंत, उद्योजक तथा शिवभक्त संजय गावडे, गणेश मेस्त्री, बबन परुळेकर, शुभदा टिकम, पूजा सरकारे, समीर शिंदे, गजानन मांजरेकर, सुभाष कुमठेकर, रोहित परुळेकर, परुळेकर यांसह अन्य कलावंत उपस्थित होते.