पोईप | ओंकार चव्हाण : सिंधुदुर्ग जिल्हा चर्मकार समाज उन्नती मंडळ सिंधुदुर्ग संचलित संत रविदास भवन भूमिपूजन सोहळ्याच्या पार्श्वभूमीवर आयोजित कणकवली तालुका शाखेच्या सभेत जिल्हा मंडळाचे जिल्हाध्यक्ष सुजित जाधव यांनी उपस्थित समाजबांधवांना आवाहन करताना सांगितले की,समाज भवन निर्मिती करत असताना समाजाचा एकोपा निर्माण करूया.भवनाच्या माध्यमातून एक सामाजिक प्रतीक उभारूया असे आवाहन केले. 31 ऑक्टोबर रोजी या कार्यक्रमास बहुसंख्येने उपस्थित राहून भवनासाठी आपले योगदान देऊया असे सांगितले.भवन समितीचे सहप्रमुख सुधीर जाधव यांनी भवन बांधकामाचे उद्दिष्ट पूर्ण करण्यासाठी सर्वानी एकजुटीने प्रयत्नशील राहूया असे आवाहन केले.जिल्हा सरचिटणीस चंद्रसेन पाताडे यांनी भवन कामाच्या संदर्भात सर्व माहिती सभेत दिली.तसेच भवन साठी सर्वानी खारीचा वाटा उचलूया असे आवाहन केले.यावेळी तालुकाध्यक्ष राजेंद्र चव्हाण,ज्येष्ठ सल्लागार लवू पवार,चंद्रकांत भोसले,जिल्हा कोषाध्यक्ष नामदेव जाधव,जिल्हा सहसचिव अनिल चव्हाण,समिती कार्यवाह लवेंद्र किंजवडेकर,समिती प्रमुख महेंद्र चव्हाण, पंढरीनाथ जाधव,विनायक जाधव,प्रभाकर चव्हाण,अनिल जाधव,विनायक चं.जाधव,सचिन चव्हाण,अमित भोसले,सुमित भोसले,प्रसिद्धिप्रमुख मंगेश आरेकर आदी उपस्थित होते.
सभेचे सूत्रसंचालन व आभारप्रदर्शन सचिव अनंत जाधव यांनी केले.