मालवण | ब्यूरो न्यूज : मालवण येथील युवा नेतृत्व प्रितम गावडे यांची शिवसेना युवासेना कुडाळ मालवण विधानसभा अध्यक्ष पदी नियुक्ती करण्यात आली आहे. युवासेना महाराष्ट्र सचिव किरण साळी यांनी युवासेना कार्याध्यक्ष पूर्वेश सरनाईक यांच्या स्वाक्षरीचे नियुक्तीपत्र प्रितम गावडे यांना सावंतवाडी येथील युवासेना कार्यक्रमांत सुपूर्द केले.

दिलेल्या नियुक्ती पत्रात म्हटले आहे, वंदनीय हिंदुहृदयसम्राट शिवसेनाप्रमुख बाळासाहेब ठाकरे यांच्या आशिर्वादाने व शिवसेना मुख्य नेते एकनाथ शिंदे (मुख्यमंत्री, महाराष्ट्र राज्य) यांच्या आदेशानुसार, खासदार डॉ. श्रीकांत शिंदे यांच्या मार्गदर्शनाखाली शिवसेना पक्षाच्या ‘युवासेना विधानसभा अध्यक्ष’ (कुडाळ – मालवण) पदी नियुक्ती करण्यात येत आहे.

वंदनीय हिंदुहृदयसम्राट शिवसेनाप्रमुख बाळासाहेब ठाकरे यांचा हिंदुत्वाचा विचार आणि धर्मवीर आनंद दिघे साहेब यांची शिकवण आत्मसात करून शिवसेना पक्ष वाढीसाठी आपण सर्वांना सोबत घेऊन कार्य कराल असा विश्वास आहे. आपल्या सामाजिक व राजकिय क्षेत्रातील भावी वाटचालीस मनःपूर्वक शुभेच्छा. असे नियुक्तीपत्र देण्यात आले. यावेळी शिवसेना सिंधुदुर्ग माजी सचिव किसन मांजरेकर, युवासेना जिल्हाप्रमुख ऋत्विक सामंत, युवतीसेना सोनाली पाटकर, कणकवली विभाग जिल्हाप्रमुख मेहुल धुमाळे यांसह अन्य पदाधिकारी उपस्थित होते.