मारुती ओमनी व्हॅन आणि अल्टो के 10 कारची धडक..!
सुदैवाने कोणतीच जिवितहानी नाही ; दोन्ही वाहनांच्या पुढील भागांचा मात्र झाला चुराडा….!
कणकवली | उमेश परब : विजयदुर्ग कासार्डे मार्गावर मारुती ओमनी व्हॅन (MH -01 – AH – 9346) आणि अल्टो के टेन (MH -07 -AB – 4560) कारची समोरासमोर टक्कर होऊन झालेल्या अपघातात चौघे प्रवासी जखमी झाले आहेत. विजयदुर्ग कासार्डे रस्त्यावर दारुम येथे हा अपघात आज दुपारी घडला. या अपघातात ओमनी व्हॅन मधील दोन प्रवासी जखमी झाले असून निर्मला दीपक समजीसकर, दीपक यशवंत समजीसकर, माधुरी दयानंद मेस्त्री, प्रथमेश दयानंद मेस्त्री अशी जखमींची नावे आहेत. दरम्यान अपघातस्थळी एपीआय शेखर शिंदे, हवालदार वंजारे यांनी धाव घेतली. जखमींना अधिक उपचारासाठी कणकवली उपजिल्हा रुग्णालयात पाठवण्यात आले आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
