खारेपाटण शेठ न. म विद्यालय चा निकाल शंभर टक्के ..!
खारेपाटण | प्रतिनिधी : सिंधुदुर्ग जिल्ह्यातील कणकवली तालुक्यातल्या खारेपाटण येथील खारेपाटण शिक्षण प्रसारक मंडळ संचलित शेठ न. म विद्यालय प्रशालेचा, इयत्ता दहावीचा ( एस एस सी २०२४) निकाल शंभर टक्के लागला आहे. या परीक्षेसाठी खारेपाटण विद्यालयातील ८३ विद्यार्थी प्रविष्ठ झाले होते. यामधे ऋतुजा मनोज करंदीकर हिने ४६८ गुण मिळवून ९३.६०% प्राप्त केले व विद्यालयात प्रथम क्रमांक प्राप्त केला. द्वितीय क्रमांक साची सचिन पारकर हिने ४६७ गुण मिळवून ९३.४०% प्राप्त केले आहेत. तर तृतीय क्रमांक दुर्वेश प्रकाश नानिवडेकर याने ४५४ गुण मिळवून ९०.८०% प्राप्त केले आहेत.
या तिन्ही विद्यार्थ्याचे व परीक्षेत उत्तीर्ण झालेल्या सर्व विद्यार्थ्यांचे सर्व स्तरातून अभिनंदन केले जात आहे. खारेपाटण पंचक्रोशी शिक्षण संस्थेचे अध्यक्ष श्री प्रवीण लोकरे, सचिव श्री महेश कोळसुलकर, खारेपाटण विद्यालयाचे मुख्याध्यापक संजय सानप यांनी सर्व विद्यार्थ्यांचे व त्यांना मार्गदर्शन करणाऱ्या शिक्षक आणि पालकांचे विशेष अभिनंदन केले आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
