शिरगांव | प्रतिनिधी : गोवा सरकार पीडब्ल्यूडी स्टाफ को. ऑप. क्रेडिट सोसायटी लि. गोवा यांच्या वतीने इंटिग्रेटेड सोशल वेलफेअर सोसायटी बेलगावी नॅशनल रुरल डेव्हलपमेंट फाऊंडेशन तर्फे देवगड तालुक्यातील चाफेड ग्रामपंचायत सरपंच श्री. किरण लीलाधर मेस्त्री आणि ग्रामसेवक श्री. हनुमंत बाळकृष्ण तेरसे यांना राष्ट्रीय पुरस्कार जाहीर झाला असून या सोहळ्याचे वितरण रविवार दि. २६ मे रोजी दुपारी १२ वाजता गोवा येथे होणार आहे. दिल्ली, कर्नाटक, महाराष्ट्र, गुजरात, गोवा राज्यातील निवडक व्यक्तींना हा राष्ट्रीय पुरस्कार दिला जातो. चाफेड सरपंच किरण मेस्त्री, ग्रामसेवक हनुमंत तेरसे यांच्या विकासकामे व विविध शासकीय योजना अंमलबजावणी याची दखल घेऊन त्यांची या पुरस्कारासाठी निवड झाल्याबद्दल त्यांचे सर्वत्र विशेष अभिनंदन होत आहे. एक विशेष प्रमाणपत्र, सन्मानचिन्ह, म्हैसूर फेटा, चंदनाचा कायमस्वरूपी हार व भारत सरकारचे केंद्रीय मंत्री यांच्याकडून अभिनंदन पत्र असे या पुरस्काराचे स्वरुप आहे. या पुरस्कार प्रदान सोहळ्याला देशातील अनेक उपस्थित राहणार आहेत.

हा पुरस्कार सोहळा गोवा येथील हरमल पंचक्रोशी शिक्षण मंडळ, गणपत पार्सेकर कॉलेज ऑफ एज्युकेशन हरमल येथे २६ मे रोजी दु. १२ वाजता संपन्न होणार आहे.