मुख्यमंत्री उद्धवजी ठाकरे यांच्या माध्यमातून सिंधुदुर्गसाठी २० हजार कोविड लसीचा पुरवठा
आमदार वैभव नाईक यांची माहिती
कणकवली | प्रतिनिधी : कुडाळ मालवणचे आमदार वैभव नाईक यांनी मुख्यमंत्री उद्धव ठाकरे यांच्याकडे ज्यादा कोविड लसी पुरविण्याची मागणी दोन दिवसांपूर्वी पत्राद्वारे केली होती.या मागणीची दखल घेऊन मुख्यमंत्री उद्धव ठाकरे यांनी आरोग्य विभागाचे सचिव रामा स्वामी यांना सिंधुदुर्गसाठी ज्यादा लसींचा पुरवठा करण्याच्या सूचना दिल्या. त्यानुसार सिंधुदुर्ग जिल्ह्यासाठी कोविशिल्ड च्या १७ हजार व कोवॅक्सीन च्या ३ हजार असे एकूण २० हजार लसीचे डोस आज उपलब्ध झाले आहेत.
सिंधुदुर्ग जिल्ह्यासाठी यापूर्वी दरवेळी सुमारे चार हजार कोविड लसींचा पुरवठा केला जात होता. त्यामुळे नागरिकांना कोविड लसीकरणाच्या दुसऱ्या डोससाठी लसींची कमतरता भासत होती.यामुळे लसीकरण केंद्रांवर नागरिकांचा गोंधळ उडत होता.याकडे आ.वैभव नाईक यांनी मुख्यमंत्री उद्धवजी ठाकरे यांचे लक्ष वेधले होते.त्यानुसार मुख्यमंत्र्यांच्या माध्यमातून सिंधुदुर्ग जिल्ह्यातील नागरिकांना दुसऱ्या डोस साठी कोविशिल्ड च्या १७ हजार व कोवॅक्सीन च्या ३ हजार असे एकूण २० हजार लसीचे डोस उपलब्ध झाले आहेत. अशी माहिती आमदार वैभव नाईक यांनी दिली.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
संबंधित बातम्या
समान विभागातील बातम्या
कविवर्य नारायण सुर्वे जन्मशताब्दीनिमित्त 'गोपुरी आश्रम' कणकवली येथे १८ ऑक्टोबर रोजी अभिवादन सोहळ्याचे आयोजन.
'आम्ही ज्या दिवशी राजकारणात येऊ त्या दिवशीपासून भले भले गायब होतील...!'
