लावण्यसिंधु व सिंधुरत्न फाउंडेशन तर्फे सौ. शितल सावंत यांचा सत्कार..
कणकवली | प्रतिनिधी : कणकवली येथील लावण्यसिंधू लोककला व चित्रपट सहकारी संस्था आणि सिंधुरत्न फाउंडेशन यांच्या संयुक्त विद्यमाने महिला दिन कार्यक्रम उत्साहात संपन्न झाला. यावेळी कणकवलीतील व्यावसायिक तथा खादी ग्रामोद्योगच्या व्हाईस चेअरमन सौ. शितल सावंत यांचा सत्कार चित्रपट अभिनेत्री सौ. अक्षता कांबळी यांच्या हस्ते करण्यात आला. यावेळी व्यासपीठावर लावण्यसिंधू संस्थेचे अध्यक्ष श्री.चंद्रशेखर उपरकर, संचालिका सौ. प्रांजल पराडकर, श्री संतोष सावंत, सौ. रोझा खडपक्रर, सौ. रिया सांगेलकर उपस्थित होत्या.महिलांना मार्गदर्शन करण्यासाठी उपस्थित असलेल्या कणकवली पोलिस स्टेशन येथील समुपदेशक सौ. रोजा अभय खडपकर व सौ. रिया सांगेलकर यांनी उपस्थित महिलांना कौटुंबिक तंटे स्मुपदेशाद्वारे कसे सोडविले जातात याबाबत मार्गदर्शन केले.अनेक वर्षे खडतर मेहनत घेऊन मराठी चित्रपट अभिनेत्री म्हणून नाव कमावलेल्या सौ. अक्षता कांबळी यांच्या हस्ते आपला सत्कार होत असल्याचा आनंद असल्याचे सौ. सावंत यांनी सांगितले.
सौ. खडपकर व सौ. सांगेलकर यांनी दिलेल्या सहकार्याबद्दल त्यांना संस्थेतर्फे सन्मानचिन्ह, शाल व श्रीफळ देऊन सत्कार करण्यात आला. सौ. प्रांजल पराडकर यांनी उपस्थितांचे आभार मानले.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
संबंधित बातम्या
समान विभागातील बातम्या
कविवर्य नारायण सुर्वे जन्मशताब्दीनिमित्त 'गोपुरी आश्रम' कणकवली येथे १८ ऑक्टोबर रोजी अभिवादन सोहळ्याचे आयोजन.
'आम्ही ज्या दिवशी राजकारणात येऊ त्या दिवशीपासून भले भले गायब होतील...!'
