आडेली येथे नेत्र तपासणी शिबिर आणि महिला बचतगटांचा सत्कार ; श्री सोमेश्वर कलामंच द्वारा आयोजित गराजलो रे गराजलो एक चळवळ यांचा विशेष सहभाग.

प्रकाशन: 08 Nov 2023 08:20 PM

वाचन संख्या 217

आरोग्य

मालवण | सुयोग पंडित : सिंधुदुर्ग जिल्ह्यातील वेंगुर्ले तालुक्यातल्या आडेली येथे श्री सोमेश्वर महिला ग्राम संघ आणि जिजाऊ महिला ग्राम संघ यांच्या सौजन्याने ७ नोव्हेंबरला महाराष्ट्र राज्यातील सुप्रसिद्ध सामाजिक संस्था श्री सोमेश्वर कलामंच द्वारा आयोजित गराजलो रे गराजलो एक चळवळ द्वारे नेत्र तपासणी शिबिर आयोजित करण्यात आले होते. या शिबिरात ग्रामस्थांनी मोठ्या प्रमाणात सहभाग घेतला. या दरम्यानच महिला बचतगटांचा प्रोत्साहन व सक्षमीकरणासाठी महिला बचतगटांचा सुपारी रोप, गुलाब पुष्पं आणि सन्मान पत्र देऊन गौरविण्यात आले. उपस्थित मान्यवरांचेही शाल, पुष्पगुच्छ, सुपारी रोप देऊन सत्कार करण्यात आला.

यावेळी बोलताना श्री सोमेश्वर कलामंच सामाजिक संस्था आयोजित गराजलो रे गराजलो एक चळवळीचे प्रणेते व सर्वेसर्वा श्री सहदेव धर्णे यांनी आपली संस्था ही नेहमीच निस्वार्थीपणे समाजहितासाठी निःस्वार्थीपणे कार्य करीत राहणार असल्याचे प्रतिपादन केले.

संबंधित बातम्या