मालवण | सुयोग पंडित : सिंधुदुर्ग जिल्ह्यातील येथील कणकवली येथील अभिनेत्री व समाजसेविका सौ. अक्षता कांबळी यांना ‘आधार सामाजिक सेवा संस्था, महाराष्ट्र’ यांच्या सहाव्या वर्धापन दिनानिमित्त कराड येथील यशवंत राव चव्हाण स्मृती सदन (टाऊन हॉल) येथे समाजरत्न पुरस्कार देऊन सन्मानित करण्यात आले. २९ ऑक्टोबरला हा सन्मान प्रदान करण्यात आला. सावित्रीबाई फुले पुरस्कार प्राप्त ह. भ .प . डॉ सौ मनीषा ताई गुरव (नाडी तज्ञा) व आधार संस्थेचे संस्थापक अध्यक्ष श्री दिनेश मेटकरी यांच्या हस्ते पुरस्कार देऊन गौरविण्यात आले.

गेली पंधरा वर्षे आपल्या अभिनय क्षेत्राबरोबर समाज सेवा जोपासणाऱ्या अक्षता ताई यांच्या कार्याची दखल घेऊन त्यांना हा राज्यस्तरीय पुरस्कार देण्यात आला आहे. या वेळी आधार सेवा समिती चे अध्यक्ष श्री दिनेश मेटकरी , कराड चे वरिष्ठ पोलीस निरीक्षक प्रदीप सूर्यवंशी, आयुष भारत डॉक्टर असोसिएशनचे अध्यक्ष डॉ अमीर मुलागी , कराड शहर पालिस उपनिरीक्षक सौ. रेखा देशपांडे, अभिनेते बलराज माने , अभिनेते गौरव भोसले, अभिनेता निर्माता आदित्यराजे मराठे , अभिनेत्री ऐश्वर्या धौड, अभिनेत्री श्रुतिका सावंत, संभाजी ब्रिगेड चित्रपट संस्था पुणे अध्यक्ष प्रकाश धिंडले दिग्दर्शक व्यंकटेश कदम व इतर मान्यवर उपस्थित होते.