जिल्हास्तरीय थ्रो-बॉल स्पर्धेत मडुरा हायस्कूलचे सुयश.
बांदा | राकेश परब : सिंधुदुर्ग जिल्ह्यातील तुळसुली येथे संपन्न झालेल्या जिल्हास्तरीय शालेय क्रीडा स्पर्धेत थ्रो-बॉल क्रीडा प्रकारात १४ वर्षांखालील वयोगटात मडुरा हायस्कूलने उत्तम कामगिरी केली आणि त्यांचे मुलगे व मुलींचे संघ अजिंक्य ठरले. तसेच १७ वर्षे वयोगटातील मुलींच्या संघाला उपविजेतेपद प्राप्त झाले.
तसेच बांदा येथे झालेल्या जिल्हास्तरीय ऍथलेटिक्स स्पर्धेत १७ वर्षे वयोगटाखालील भालाफेक क्रीडा प्रकारात प्रशालेचा लवू प्रशांत नाईक याने द्वितीय क्रमांक पटकावला. थ्रो बॉल स्पर्धेतील दोन्ही विजयी संघ हातकणंगले कोल्हापूर येथे होणाऱ्या शालेय विभागीय स्पर्धेसाठी पात्र ठरले आहेत.
विद्यार्थ्यांना क्रीडा शिक्षक महेश नाईक यांचे मार्गदर्शन लाभले. विजयी संघांचे ‘दी बांदा नवभारत शिक्षण प्रसारक मंडळ मुंबई’ यांचे कार्याध्यक्ष डॉ. मिलिंद तोरसकर, संस्थेचे सर्व पदाधिकारी, शालेय समिती सदस्य, पंचक्रोशीतील सरपंच, प्रशालेचे मुख्याध्यापक सुहास वराडकर, सर्व शिक्षक – शिक्षकेतर कर्मचारी व विद्यार्थी यांच्याकडून अभिनंदन करण्यात आले. विजयी खेळाडूंचे पंचक्रोशीतून प्रशंसा होत आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
संबंधित बातम्या
समान विभागातील बातम्या
४१ व्या युवा राष्ट्रीय बास्केटबॉल चॅम्पियनशिप स्पर्धेत वैष्णवी परदेशी व अयान सोरठिया करणार महाराष्ट्राच्या संघाचे नेतृत्व.
मुख्यमंत्री देवेंद्र फडणवीस यांच्या हस्ते २७ ऑक्टोबर रोजी 'सीएम चषक' ४१व्या युथ नॅशनल बास्केटबॉल स्पर्धेचे उद्घाटन.
मालवणच्या रोझरी इंग्लिश स्कूल प्रशालेचा ॲथलीट कु. सोहम चव्हाण याची विभागीय स्पर्धेच्या पात्रतेची 'उंच उडी...!'
