मालवण | ब्यूरो न्यूज : महाराष्ट्र राज्य बास्केटबॉल असोसिएशन आयोजित व पुणे जिल्हा बास्केटबॉल असोसिएशन यांच्या नियोजनात श्री शिव छत्रपती क्रीडा संकुल बालेवाडी पुणे येथे दिनांक ९ऑगस्ट ते १४ ऑगस्ट २०२५ रोजी ७५ व्या ज्युनिअर मुले व मुली बास्केटबॉल राज्य स्पर्धा खेळवल्या जात आहेत.

या राज्य स्पर्धेत सहभागी होणार्या संघाच्या निवडीसाठी सिंधुदुर्ग जिल्हा हौशी बास्केटबॉल असोसिएशन ने श्री सद्गुरु सदानंद माऊली एज्युकेशनल फाउंडेशन संचलित, डॉक्टर श्रीधर सिताराम कुडाळकर हायस्कूल मालवण च्या बास्केटबॉल मैदानावर शनिवार दिनांक २ ऑगस्ट २०२५ रोजी सायंकाळी चार वाजता निवड चाचणीचे आयोजन केले आहे.

ज्या खेळाडूंची जन्म तारीख ०१/०१/२००७ नंतरची असेल अशा खेळाडूंना या निवड चाचणी मध्ये सहभागी होता येईल आणि निवड चाचणी साठी येताना खेळाडूंनी सोबत आधार कार्ड व जन्म प्रमाणपत्र (ओरीजिनल) सोबत घेऊन यायचे आहे. निवडचाचणी मध्ये जिल्ह्यातील बास्केटबॉल खेळाडूंनी मोठ्या संख्येने उपस्थित रहाण्याचे आवाहन अध्यक्ष श्री सुरेंद्र सकपाळ यांनी केले आहे. 

अधिक माहितीसाठी सचिव अजय शिंदे (९४२२३९४१८६ ) यांच्याशी संपर्क साधावा अशी माहिती मिळत आहे.