लहान ,ज्येष्ठ सर्व जण आवडीने स्विकारतात अशी ही भेट शिवसैनिक प्रसन्नपणे ७५,००० घरांपर्यंत करतात पोहोच.

मालवण | सुयोग पंडित : श्री. गणेशोत्सवा निमित्त आमदार वैभव नाईक यांच्या कडून कुडाळ मालवण विधानसभा मतदार संघात ‘विधीवत पूजा’ साहित्याची गेली ११ वर्षे प्रसन्न व सात्विक भेट दिली जाते. कोकणात मोठ्या उत्साहात गणेश उत्सव साजरा केला जातो. घरोघरी श्री. गणेशाचे विधिवत पूजन केले जाते. गणेशोत्सवानिमित्त दरवर्षीप्रमाणे यंदा गणेशोत्सव २०२३ साठी, कुडाळ मालवण विधानसभा मतदारसंघाचे लोकप्रिय आमदार वैभव नाईक यांनी कुडाळ मालवण वासियांना श्री. गणेश पूजेच्या साहित्याची छोटीशी भेट यावर्षीही दिली आहे. जनतेवर असलेल्या प्रेमाच्या रूपाने आणि श्री. गणेशाच्या श्रद्धेने पूजेच्या साहित्याची छोटीशी भेट जनतेपर्यंत पोहिचविण्याचा आमदार वैभव नाईक यांचा प्रयत्न असतो.

फक्त आ. वैभव नाईक नाही तर शिवसेना पदाधिकारी व शिवसैनिक तळमळीने कुडाळ मालवण मतदारसंघातील ७५ हजार घरांपर्यंत ही भेट पोहचविण्याचे काम करतात. गेल्या काही वर्षांपासून लहान मुले- मुली देखील आवडीने यात सहभागी होऊन मदत करतात. आमदार वैभव नाईक यांच्या या उपक्रमाची नागरीक आवडीने ही भेट स्वीकारून आमदार वैभव नाईक यांच्या सातत्यपूर्ण उपक्रमाची प्रशंसा करतात.