कवयित्री अंजली मुतालिक यांना कै. मधुसूदन नानिवडेकर काव्य पुरस्कार प्रदान.
सिंधुवैभव साहित्य समुह या संस्थेच्या वतीने देण्यात येणार्या पुरस्काराचे यंदाचे दुसरे वर्ष.
मालवण | सुयोग पंडित : सिंधुदुर्ग जिल्ह्यातील कणकवली येथील
सिंधुवैभव साहित्य समुह या संस्थेच्या वतीने देण्यात येणारा कै. मधुसूदन नानिवडेकर काव्य पुरस्कार कुडाळ येथील सुप्रसिद्ध कवयित्री सौ. अंजली मुतालिक यांना नुकताच प्रदान करण्यात आला. जनसेवा प्रतिष्ठान सिंधुदुर्गचे अध्यक्ष डॉ.संजीव लिंगवत यांच्या हस्ते सावंतवाडी येथील श्रीराम वाचन मंदिर येथे हा पुरस्कार प्रदान करण्यात आला.
त्यावेळी मंचावर डॉ. अमुल पावसकर, सुप्रसिद्ध साहित्यिक डॉ. सतिश पवार, समाज समुपदेशक डॉ.रुपेश पाटकर, सुप्रसिद्ध कवियत्री सरिता पवार , शुभांगी पवार, अर्ज संस्थेचे अरुण पांडे आणि पुरस्कार प्राप्त कवयित्री अंजली मुतालिक यांचे आई वडिल व इतर मान्यवर उपस्थित होते. या पुरस्कारा बद्दल, गेली काही वर्षे सातत्याने साहित्य सेवा करणार्या कवयित्री अंजली मुतालिक यांची सिंधुदुर्ग जिल्ह्यातील साहित्य वर्तुळातून प्रशंसा होत आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
