'सैनिक हो तुमच्यासाठी' अंतर्गत माजी सैनिकांचा आणि त्यांच्या परिवाराचा सन्मान ; मसुरे मंडळ अधिकारी सुहास चव्हाण यांच्या माध्यमातून संपन्न झालेला विशेष उपक्रम.
मसुरे | प्रतिनिधी : सिंधुदुर्ग जिल्ह्यातील मालवण तालुक्यातील मसुरे येथे महसूल सप्ताह अंतर्गत ‘सैनिक हो तुमच्यासाठी’ या संकल्पने अंतर्गत मंडळ अधिकारी कार्यालय मसुरे येथे मंडळ अधिकारी सुहास चव्हाण यांच्या अध्यक्षतेखाली विशेष कार्यक्रम संपन्न झाला. यावेळी माजी सैनिक तसेच त्यांच्या कुटुंबीयांचा विशेष सन्मान करण्यात आला. त्यांच्या समस्या व अडीअडचणी बाबत विचारणा करण्यात आली.
यावेळी माजी सैनिक श्री.धनंजय रमेशचंद्र सावंत (सेवानिवृत्त तलाठी), श्री.दिपक अनंत बागवे(रास्तधान्य दुकानदार देऊळवाडा) यांचा श्री.सुहास चव्हाण मंडळ अधिकारी मसुरे यांच्या हस्ते सन्मान करण्यात आला. तसेच दिवंगत माजी सैनिक कै.बाबुराव राणे यांच्या पत्नी श्रीम.उषाबाई बाबुराव राणे व कै. नारायण गावडे यांच्या पत्नी श्रीम. शानन नारायण गावडे यांच्या घरी जाऊन त्यांच्या समस्या व अडीअडचणींबाबत विचारणा करण्यात आली व त्यांचाही शाल, पुष्पगुच्छ व श्रीफळ देऊन सन्मान करण्यात आला. यावेळी शासनाच्या विविध अर्थसाह्य योजना सलोखा योजना याबाबत माहिती देण्यात आली. मयत खातेदार यांचे वारस तपास करून घेण्याबाबत मंडळ अधिकारी सुहास चव्हाण यांनी माहिती दिली.
या वेळी मंडळातील तलाठी आर. एस. शेजवळ, तलाठी एस. पी. लखमोड, कोतवाल सचिन चव्हाण, संतोष चव्हाण, विकास पोयरेकर, डाटा ऑपरेटर श्रीकांत खोत, प्रतिक्षा परब, महसूल कर्मचारी व ग्रामस्थ उपस्थित होते.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
