कळसुली गावातील मुख्य मार्गावरील झाडी देतेय अपघाताला आमंत्रण...!
दुतर्फा झाडी तोडून रस्ता निर्धोक करण्याची अतुल दळवी मागणी
कणकवली | उमेश परब : कळसुली मुख्य रस्त्यावर वाहतुकीस अडथळा ठरणारी आणि अपघाताला आमंत्रण देणारी झाडी तोडून रस्ता निर्धोक बनवावा,अशी मागणी कळसुली माजी सरपंच तथा विद्यमान ग्रा.सदस्य अतुल दळवी यांनी केली आहे. कळसुली शिवडाव फाटा ते कळसुली पुनर्वसन पर्यंत जाणाऱ्या रस्त्यावर दुतर्फा झाडी व पडलेले खड्ड्याकडे संबंधित विभागाच्या अभियंत्यांनी या कळसुली गावातील रस्त्याकडे निदान एकदा तरी फेरी मारावी आणि रस्त्याची झालेली दुर्दशा पाहावी अशी मागणीही त्यांनी केली आहे.
कळसुली पोस्ट ऑफिस नजीक शाळकरी विद्यार्थ्यांची मोठी वर्दळ असते, या मोरी दरम्यान दुतर्फा झाडी वाढली असून नवख्या वाहनचालकाना वळणांवर पुढील वाहनांचा अंदाज येत नाही. रस्त्याच्या दुतर्फा वाढलेल्या झाडी अभावी अपघाताची मालिका सुरू आहे आहे.मोठी दुर्घटना घडल्यास बांधकाम विभाग जबाबदार आहे?
या सगळ्या बाबींचा विचार करून बांधकाम विभागाच्या अधिकाऱ्यांनी करावा आणि आठवडाभरात तो रस्ता वाहतुकीसाठी निर्धोक बनवावा अन्यथा आम्हाला ग्रामस्थांना सोबत घेवून आपल्या कार्यालयासमोर आंदोलन करावे लागेल असा इशाराही दळवी यांनी दिला आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
संबंधित बातम्या
समान विभागातील बातम्या
कविवर्य नारायण सुर्वे जन्मशताब्दीनिमित्त 'गोपुरी आश्रम' कणकवली येथे १८ ऑक्टोबर रोजी अभिवादन सोहळ्याचे आयोजन.
'आम्ही ज्या दिवशी राजकारणात येऊ त्या दिवशीपासून भले भले गायब होतील...!'
