कणकवली | गणेश चव्हाण : सिंधुदुर्ग जिल्ह्यातील कणकवलीच्या सुप्रसिद्ध बाॅलिवुड अभिनेत्री व समाज सेविका सौ. अक्षता कांबळी यांच्या उपस्थितीत रविवारी २५ जूनला श्रीमंत ना . बा .घोरपडे नाट्यगृह येथे चौडेश्वरी फाऊंडेशन इचलकरंजी यांच्या वतीने कलाकार मेळावा संपन्न झाला . महाराष्ट्रातील विविध भागांतील विणकर समाजातील मान्यवरांच्या उपस्थितीत हा कार्यक्रम पार पडला .यावेळी सिधुदुर्ग तील सुप्रसिद्ध असलेल्या अभिनेत्री अक्षता कांबळी ह्या प्रमुख अतिथी म्हणून उपस्थित होत्या . तसेच हातकंगले च्या तहसीलदार कल्पना भंडारे याही विशेष उपस्थित होत्या .

चौडेश्वरी कला महोत्सव हा श्री देवांग समाज (रजि.)इचलकरंजी यांच्या अधीपत्याखाली २०१६ साली जेष्ठ अमावस्येचे औचित्य साधत स्थापन करण्यात आला होता .यामध्ये समाजातील कलाकारांना त्यांच्या कलेला वाव मिळावा व त्यांना विनासायास कलेचा मंच उपलब्ध व्हावा हा एकमेव हेतू होता . गेली आठ वर्षे हा कार्यक्रम स्थानिक कलाकारा साठी केला जातो . ह्या वर्षी सिंधुदुर्ग तील सुप्रसिद्ध अभिनेत्री अक्षता कांबळी ह्यांची प्रमुख उपस्थिती लाभली . १० वर्ष पासून ते ६० वर्षापर्यंतच्या कलाकारांनी सहभाग घेऊन कार्यक्रम सादर केला .

कार्यक्रमाच्या शेवटी अक्षता कांबळी ह्यांनी कलाकारांना बहुमूल्य कला व जीवन मार्गदर्शन करत पुढील वाटचालीसाठी शुभेच्छा दिल्या. आपल्या व्यग्र दिनक्रमातून समाजासाठी वेळ देत उपस्थित राहिल्या बद्धल चौडेश्वरी फाऊंडेशन चे अध्यक्ष विश्वनाथजी मुसळे , युवा फाऊंडेशन चे अध्यक्ष प्रमोद मुसळे यांनी अक्षता कांबळी यांचे आभार मानले.

यावेळी कार्यक्रम स्थळी जनता बॅंकचे चेअरमन संजय अनिगोळ, प्रशांत सपाटे अमोल डाके , विनायक सोनटक्के तसेच नाशिक , पुणे , लातूरचे सर्व पदाधिकारी उपस्थित होते.