राॅयल चॅलेंजर बेंगळुरूचे 'के जी एफ' लखनऊ सुपर जायंट्सच्या 'पूरन' समोर हतबल ; लखनऊ सुपर जायंट्चा 'अविश्वसनीय' विजय.
जबरदस्त उत्कंठावर्धक मुकाबल्याचा ‘सुपर अंत;..!’
क्रीडा वृत्त | सुयोग पंडित : आयपीएल २०२३ स्पर्धेत सलग दुसर्या दिवशी आणखीन एक अविश्वसनीय विजय पहायला मिळाला.
बेंगरूळूच्या घरच्या मैदानावर खेळताना यजमान राॅयल चॅलेंजर बंगळुरूकडून पहिले ३ फलंदाज कोहली, फाफ डुप्लेसिस आणि मॅक्सवेल ऊर्फ ‘के जी एफ’ यांच्याकडून तडकवलेल्या अर्धशतकांच्या जोरावर बेंगरूळूने २१३ धावांचे लक्ष्य लखनऊ सुपर जायंट्ससमोर ठेवले.
या लक्ष्याचा पाठलाग करत असताना मार्कस स्टाॅईनीसचे वादळी अर्धशतक (३० चेंडूत ६५ ) आणि नंतर निकलस पूरनचे विक्रमी तूफानी अर्धशतक ( १९ चेंडूत ६२ ) यांच्या मदतीने लखनऊ सुपर जायंट्ने राॅयल चॅलेंजर बंगळुरूला त्यांच्याच मैदानावर मात देऊन धक्का दिला.
लखनौचा कर्णधार के.एल राहुल याने प्रथम गोलंदाजीचा निर्णय घेतला. यानंतर फलंदाजीसाठी मैदानात उतरलेल्या आरसीबीने २१२ धावा केल्या आणि लखनौसमोर २१३ धावांचे आव्हान ठेवले. दरम्यान, आरसीबीच्या आव्हानाचा पाठलाग करण्यासाठी उतरलेल्या लखनऊच्या विजयात आयुष बडोनीच्या ३० धावाही महत्त्वपूर्ण ठरल्या .
कर्णधार डू प्लेसीस, विराट कोहली आणि ग्लेन मॅक्सवेलच्या अर्धशतकी खेळीच्या जोरावर आरसीबीने लखनऊसमोर २१३ धावांचे तगडे आव्हान ठेवले होते. आरसीबीकडून विराट कोहलीने ४४ चेंडूमध्ये ६१ धावा, डू प्लेसीसने ४६ चेंडूमध्ये नाबाद ७९ धावा आणि ग्लेन मॅक्सवेलने २९ चेंडूमध्ये ५९ धावांची खेळी केली. लखनौकडून अमित मिश्राशिवाय एकाही गोलंदाजाला बळी मिळाला नाही. जयदेव उनाडकट आणि आवेश खानची आरसीबीच्या फलंदाजांनी धुलाई केली. उनाडकटने त्याच्या २ षटकांमध्ये २७ धावा दिल्या.
अखेरीस शेवटच्या षटकांत शेवटच्या चेंडूवर १ धावेची गरज ९ बळी गमावून लखनऊ सुपर जायंट्सने पूर्ण केली. बेंगरूळ राॅयल चॅलेंजर तर्फे वेन पार्नेलने ३ बळी मिळवले .
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
