संतोष साळसकर | सहसंपादक : सिंधुदुर्ग जिल्ह्यातील
देवगड तालुक्यातल्या शिरगांव येथील रिक्षा चालक मालक संघाचा १९ वा वर्धापनदिन सोहळा शनिवारी ११ फेब्रुवारीला मातोश्री कॉम्प्लेक्स, शिरगांव येथे आयोजित करण्यात आला आहे. यानिमित्त विविध कार्यक्रमाचे आयोजन करण्यात आले आहे.

यादिवशी सकाळी ९ वाजता श्री सत्यनारायण महापूजा, ११ वाजता तीर्थप्रसाद ( सौजन्य – योगेश लोके ), दुपारी १२.३० ते २ वाजता महाप्रसाद ( सौजन्य – गणपत देसाई ), ३ ते ६ वाजता महिलांसाठी हळदीकुंकू ( सौजन्य – दिपक तावडे ), ४ ते ७ वाजता खास महिलांसाठी “खेळ पैठणीचा” ( सौजन्य – संदीप साटम व हरिओम ग्रूप ), सायंकाळी ७ ते ८ वाजता स्थानिक भजने, रात्रौ ९.३० वाजता विद्यार्थी गुणगौरव समारंभ ( फुले व्यवस्थापन सौजन्य – राजेश फाटक, मुंबई ), रात्रौ १० वाजता बुवा समीर कदम ( श्री लिंग रवळनाथ प्रासादिक भजन मंडळ पोखरण, गुरुवर्य बुवा कै. काशिनाथ परब आणि सुशील पेडणेकर यांचे शिष्य, पखवाज – शुभम गावडे, तबला – युवराज कुर्ले, सौजन्य – नाद गावचे सरपंच प्रवीण पास्टे ) आणि बुवा प्रवीण सुतार ( विठठल रखुमाई भजन मंडळ, आजीवली सोनारवाडी, गुरुवर्य बुवा – अजित मुळम यांचे शिष्य, पखवाज – बंटी मुळम, सौजन्य – शिरगांव – शेवरे ग्रूप ग्रामपंचायतीचे उपसरपंच अमित साटम ) यांच्यात डबलबारी आमने सामने भजनाचा जंगी सामना रंगणार आहे. तरी या सोहळ्याला सर्वांनी उपस्थित राहून या सर्व कार्यक्रमाचा आस्वाद घ्यावा असे आवाहन शिरगाव रिक्षा चालक मालक संघाचे अध्यक्ष तारक चव्हाण, उपाध्यक्ष सूर्यकांत ( भाई ) तावडे, सचिव महेश ओंबळकर, खजिनदार संतोष जंगले आणि सर्व सदस्यांनी केले आहे.