सोहळ्यानिमित्त विविध कार्यक्रमांचे झाले आयोजन.

संतोष साळसकर | सहसंपादक : सिंधुदुर्ग जिल्ह्यातल्या देवगड तालुक्यातील कुवळे गांवातील जिल्हा परिषद प्राथमिक शाळा सरस्वती विद्यामंदिर कुवळे क्र. १ या सुप्रसिद्ध शाळेचा अमृत महोत्सव शानदार दिमाखात दोन दिवस चालला. हा अमृत महोत्सव शुक्रवारी १३ व १४ जानेवारी २०२३ ला प्रशालेच्या प्रांगणाच्या रंगमंचावर आयोजीत करण्यात आला होता. या सोहळ्याचे उद्घाटन कुवळे गांवचे नवनिर्वाचित सरपंच सुभाष बाळकृष्ण कदम यांच्या हस्ते झाले.

या दोन दिवशीय सोहळ्याच्या नियोजनामध्ये शुक्रवारी १३ जानेवारीला सकाळी १० वाजता उद्घाटन मान्यवरांचे स्वागत ११ ते १ आरोग्य शिबिर आणि दुपारी ३ ते ५ या वेळेत व्याख्यान सत्रा मध्ये शिरगांवचे समाजशील डॉक्टर राजेंद्र चव्हाण आणि माजी नौसेना अधिकारी जी व्हीं डिसोजा यांचे व्याख्यान झाले. रात्री ८ नंतर सरस्वती विद्यामंदिर कुवळे क्र १ आणि माध्यमिक शाळा कुवळे विद्यार्थी यांचा गुणगौरव आणि रात्री सांस्कृतिक कार्यक्रम सादर झाले. दुसऱ्या दिवशी शनिवारी १४ जानेवारीला सकाळी १० वाजता सरस्वती पूजन आणि सकाळी ११ ते १ माजी शिक्षक सन्मान सोहळा आणि माझी जेष्ठ नागरिक विद्यार्थी सन्मान सोहळा संपन्न झाला. या सोहळ्यात माजी शिक्षकांमध्ये १९७० ते २०२० साला पर्यंत चे माजी शिक्षकांच्या उपस्थितीत सन्मान सोहळा संपन्न झाला. दुपारी ३ ते ५ महिलांचे हळदीकुंकू आणि विविध कार्यक्रम आणि रात्री आठ नंतर शाळेच्या माजी विद्यार्थी यांचा सांस्कृतिक कार्यक्रम संपन्न झाला.

हा दोन दिवशीय अमृत महोत्सव सोहळा समिती अध्यक्ष अमोल परब यांच्या अध्यक्षतेखाली आखला गेला होता. अमृत महोत्सव आयोजनामध्ये अमृत महोत्सव उत्सव समिती, शाळा व्यवस्थापन समिती, शिक्षक पालक संघ, माता पालक संघ सर्व ग्रामस्थ आणि आजी-माजी विद्यार्थी,शाळेचे मुख्याध्यापक श्री विष्णू परब सर आणि सर्व शिक्षक हायस्कूलचे मुख्याध्यापक श्री संतोष साटम सर आणि सर्व शिक्षक अंगणवाडी चे अंगणवाडी सेविका,बचत गट आणि गावातील सर्व महिला वर्ग तसेच आरोग्य विभागाच्या सहकार्याने मोठ्या दिमाखात कुवळे गावाने शाळेचा अमृत महोत्सव सोहळा यशस्वीपणे संपन्न केला.