आचरा | प्रसाद टोपले : सिंधुदुर्ग जिल्ह्यातील कणकवली तालुका युवासेनाची आढावा बैठक कणकवलीतल्या विजय भवनात संपन्न झाली. तालुक्यातील युवासेनेचे कार्यकर्ते व पदाधिकारी या बैठकीला उपस्थित होते. आमदार वैभव नाईक , माजी जिल्हा बँक अध्यक्ष सतीश सावंत, महिला जिल्हा संघटक नीलम पालव, युवासेना जिल्हा प्रमुख सुशांत नाईक यांच्या मार्गदर्शनाखाली ही बैठक संपन्न झाली.

पुढील निवडणुकी बाबत नियोजन करण्यात आली.प्रथमच तालुका प्रमुख झालेल्या उत्तम लोके यांच्या अध्यक्षतेखाली ही बैठक झाली. तालुका प्रमुख उत्तम लोके जिल्हापरिषद दौरा करणार व युवासेनाच्या रिक्त पदांची नियुक्ती करणार असल्याचे यावेळी स्पष्ट करण्यात आले.

आमदार वैभव नाईक व युवासेना जिल्हाप्रमुख सुशांत नाईक यांच्या हस्ते नवनिर्वाचित निवडून आलेल्या युवासेनेच्या कार्यकर्त्यांचा सत्कार करण्यात आला. कणकवली तालुक्यातील बोर्डवे शाखाप्रमुख पदी स्वप्नील शिंदे व कळसुली शाखाप्रमुख पदी नंदू परब यांची नियुक्ती करण्यात आली.

या बैठकीला उत्तम लोके, ॲड.हर्षद गावडे, राजू राठोड, तेजस राणे, गुरु पेडणेकर, अनुप वारंग, भाई साटम, नावलेकर, प्रतीक रासम, सचिन आचरेकर,आबू मेस्त्री, संतोष सावंत, रोहित राणे,बंटी वरुणकर,स्वप्नील शिंदे,अक्षय खांडेकर, नंदू परब,चेतन गुरव, संदीप गांवकर व युवासेनेचे अनेक कार्यकर्ते व पदाधिकारी उपस्थित होते.