संतोष साळसकर | सहसंपादक : सिंधुदुर्ग जिल्ह्यातील
देवगड तालुक्यातल्या महाळुगे येथील सुरेश तुकाराम घाडिगांवकर यांनी विकत घेतलेल्या झाडाच्या मोबदल्यापोटी दिलेला रक्कम सत्तर हजार रुपयांचा धनादेश तथा चेक खात्यात पुरेसे पैसे नसल्यामुळे अनादरीत झाल्याप्रकरणी दाखल खटल्यात येथील रहिवासी कमलुद्दीन अ डोंगरकर यांना देवगडचे प्रथम वर्ग न्यायदंडाधिकारी एस. बी. वाळके यांच्या न्यायालयाने एक महिना तुरुंगवास आणि ८५,००० रुपयांचा दंड अशी शिक्षा ठोठावली आहे. याकामी फिर्यादीच्या वतीने ॲड. कौस्तुभ मराठे, ॲड. अन्वी कुळकर्णी, ॲड. वीणा लिमये व ॲड. अपर्णा पराजंपे यांनी काम पाहिले.

सन २०१७ साली महाळुगे येथील फिर्यादींच्या मालकीच्या जमिनीतील आंबा, हेळा, फणस, गाणे या प्रकारातील मौल्यवान झाडे आरोपीने विकत घेतली होती. या विकत घेतलेल्या झाडांचा मोबदला अदा करण्यासाठी आरोपीने डोगरकर याने फिर्यादी गाडी यांना रक्कम ७०,००० रुपयांचा धनादेश दिला होता. तो धनादेश आरोपीच्या खात्यात पैसे नसल्यामुळे अनादरीत झाल्याने आरोपीविरुध्द धनादेश अनादराचा खटला देवगड न्यायालयात चालला होता. फिर्यादीच्या वकीलांनी केलेल्या युक्तीवादामुळे व सादर केलेले पुरावे ग्राहय मानत से देवगड न्यायालयाने आरोपीला १ महिना कारावास आणि रुपये ८५ हजार रुपयांचा दंड अशी शिक्षा दिली आहे. तसेच दंड न भरल्यास २ महिने अतिरिक्त कारावासाची शिक्षा देखील सुनावली आहे.

(फोटो | प्रातिनिधिक )