वैभव माणगांवकर | मालवण : मैदानी खेळांतील सिंधुदुर्ग जिल्हा आणि महाराष्ट्र राज्याची सद्य स्थिती लक्षात घेऊन क्रीडा व युवक सेवा संचालनालय महाराष्ट्र राज्य यांच्या वतीने जिल्हा क्रीडा अधिकारी सिंधुदुर्ग जिल्हा आयोजित जिल्हास्तरीय क्रीडा नैपुण्य चाचण्यांचे आयोजन दिनांक ४/१०/२०२१ रोजी जिल्हा क्रीडा संकुल सिंधुदुर्ग या ठिकाणी करण्यात आलेले आहे.

  आंतरराष्ट्रीय व ॴॅलिंपिक दर्जाचे खेळाडू घडविण्यासाठी राज्यातील प्रतिभावान खेळाडुंची निवड करुन त्यांना शास्त्रोक्त प्रशिक्षण, संतुलित आहार व अद्ययावत क्रीडा सुविधा पुरवून त्यासाठी सुसंघटित प्रयत्न करणे आवश्यक आहे...

क्रीडा क्षेत्रात खेळाडूंनी दर्जेदार कामगिरी करण्यासाठी लहान वयात मुलांना क्रीडा विषयक प्रशिक्षण देणे आवश्यक आहे.क्रीडा व युवक सेवा संचालनालय महाराष्ट्र राज्य पुणे व आर्मी स्पोर्ट्स इन्स्टिट्यूट यांचे संयुक्त विद्यमाने बाॅईज स्पोर्ट्स कंपनी पुणे येथील प्रवेशाकरिता क्रीडा नैपुण्य चाचण्यांचे आयोजन जिल्हा क्रीडा कार्यालयाने "क्रीडा व शारीरिक शिक्षण शिक्षक महासंघ सिंधुदुर्ग जिल्हा" यांच्या नियोजनाखाली केलेले आहे अशी माहिती विजय शिंदे,जिल्हाक्रीडाधिकारी यांनी दिली.

जिल्हा स्तर चाचण्यांचे आयोजन सोमवार दिनांक ४/१०/२१रोजी जिल्हा क्रीडा संकुल सिंधुदुर्ग येथे करण्यात आले आहे . सहभागी होणा-या खेळाडुंनी सकाळी नऊ वाजेपर्यंत उपस्थित रहावे..

या चाचणीमध्ये आठ ते चौदा वयोगटातील फक्त मुलांना प्रवेश असुन त्यांचा वयोगट  १/१/२०२२ पर्यंत असणे आवश्यक राहील...

यातिल खेळ खालिल प्रमाणे असतिल..
डायव्हिंग -वयोगट मुले ८ते१२.
ॳॅथलेटीक्स ,बाॅक्सिंग, कुस्ती, तलवारबाजी,वेटलिप्टींग-मुले वयोगट १०ते१४.

प्रत्येक खेळानुसार मुलांच्या पाच चाचण्या घेऊन त्यांना त्यांच्या प्राप्त कौशल्यानुसार पाच,चार ,तिन,दोन,एक असे गुणांकन करुन एकुण प्राप्त गुणांमधिल ८०% गुण मिळवणाऱ्या मुलांना विभागीय निवड चाचणी साठी निवडले जाईल असे क्रीडा व शारीरिक शिक्षण शिक्षक महासंघ सिंधुदुर्ग जिल्हा चे जिल्हा अध्यक्ष अजय शिंदे यांनी सांगितले..

या निवडचाचण्यांचे आयोजन क्रीडा व शारीरिक शिक्षण शिक्षक महासंघ सिंधुदुर्ग जिल्हा करणार असुन सचिव नंदकिशोर नाईक हे याचे प्रमुख म्हणुन काम पहाणार आहेत…*
मैदान‌ अधिकारी म्हणून अजय शिंदे , नंदकिशोर नाईक,जयराम वायंगणकर,संजय परब,अजय सावंत,विजय मयेकर,मारुती माने,दशरथ काळे,सुदीन पेडणेकर,महेश जाधव, श्रीनाथ फणसेकर,पंकज राणे यांची नियुक्ती करण्यात आली आहे..
सिंधुदुर्ग जिल्ह्यातील माध्यमिक, प्राथमिक शाळांमधील खेळाडू तथा विद्यार्थ्यांना ही सुवर्णसंधी आहे. याच चाचण्यांमध्ये जास्तीतजास्त संख्येने व क्षमतेने उतरुन संधीचा उचित् लाभ घ्यावा असे आवाहन जिल्हा क्रीडा अधिकारी श्री.विजय शिंदे यांनी केले आहे..