तालुका व्यापारी पर्यटन संस्थेचा उपक्रम.

संतोष साळसकर | शिरगांव :
देवगड तालुका व्यापारी पर्यटन संस्थेच्या जल्लोष समितीची सभा संस्थेच्या कार्यालयात उपाध्यक्ष श्रीपाद पारकर यांच्या अध्यक्षतेखाली झाली. यामध्ये नववर्षाच्या स्वागतासाठी ३० व ३१ डिसेंबर होणाऱ्या जल्लोष कार्यक्रमाची रूपरेषा जाहीर करण्यात आली.

संस्थेचे उपाध्यक्ष श्रीपाद पारकर, सचिव आहेत. संजय धुरी, खजिनदार मधुकर नलवडे, सहखजिनदार मिलिंद मोर्ये, शैलये कदम विजय उर्फ बंटी कदम, सुनिल पारकर, शामराव पाटिल, अनिल कोरगांवकर, दयाळ गांवकर, दिनेश पारकर, संतोष कुबडे, मिलिंद मोहिते, मिलिंद खडपकर, दिनेश पटेल, लहरीकांत पटेल, जितेंद्र भानुशाली, ओंकार कुबडे, सुजीत बोंडाळे, दया पाटील, प्रफुल पटेल, प्रविण सावंत इत्यादी सभासद उपस्थित होते.

शुक्रवार, ३० डिसेंबर रोजी सायंकाळी ३.३० वा. शालेय विद्यार्थ्यासाठी चित्रकला

स्पर्धा घेण्याचे ठरले, स्पर्धा ५ वी ते ७ वी आणि ८ वी ते १० वी या दोन गटांत घेण्यात येईल. यासाठी ५ वी ते ७ वी गट प्रथम ७०० रु. द्वितीय ५००रु., तृतीय ३००रु. अशी रोख बक्षिसे व प्रशस्तिपत्रक देण्यात येईल. ८ वी ते १० वी गटासाठी प्रथम १०००रु., द्वितीय ७००रु. व तृतीय ५०० रु. आणि विजेत्यांसाठी प्रशस्तिपत्रक अशी बक्षिसे

वाळू शिल्प स्पर्धेसाठी २९ डिसेंबर पर्यंत सर्व कलकारांनी आपआपली वाळू शिल्प तयार करावयाची आहेत. वाळू शिल्पासाठी संबंधीतांनी मृत्युंजय मुणगेकर ( जामसंडे हाय.) व दर्शन सुतार, देवगड तसेच मधुकर नलवडे यांच्याशी संपर्क साधावा. शुक्रवार ३० डिसेंबर रोजी सायं. ६ वा. स्थानिक कलाकारांचे कराओके साँग्ज व रेकॉर्ड डान्स होतील. सहभागासाठी विजय उर्फ बंटी कदम यांच्याशी संपर्क करावा.

३१ डिसेंबर रोजी सायं. ७ वा. जल्लोष कार्यक्रमाचे उद्घाटन होईल. सायंकाळी

७.३० वा. उद्घाटनपर नृत्य आविष्कार सादर होईल. सायं. ८.३० वा. सोनी मराठी वाहिनी वरील छोट्या बयोची मोठी स्वप्न मालिकेतील बाल कलाकार अनुष्का पोकळे, शौरीन देसाई, विद्याधर कार्लेकर यांचा सत्कार करण्यात येईल. रात्री ९ वा. नागेश कडू प्रस्तुत सेलिब्रिटी नाईट. यामध्ये जुन्या नव्या गीतांसह धडाकेबाज नृत्याविष्कार सादर होईल. त्याचबरोबर झी मराठी वाहिनीवरील चला हवा येऊ द्या, दादागिरीमधील न्यू दादा कोंडके, हास्यसम्राट लाफ्टरनॅलेंज फेम टिव्ही, स्टेज आर्टिस्ट राहुल कुमार मिमिक्री आर्टिस्ट म्हणुन या कार्यक्रमात सहभागी होणार आहे. रात्रौ १२ वा. फटाक्यांची आतषबाजी होईल आणि नववर्षाच स्वागत होईल. लहानांसाठी छोटे छोट गेम्स असतील शिवाय खवय्यांसाठी वेगवेगळ्या फूडस्टॉलचे आयोजन करण्यात आले आहे. अशा या दिमाखदार कार्यक्रमाचा पर्यटकांनी तसेच सर्वांनी पुरेपूर आस्वाद घ्यावा, असे आवाहन जल्लोष समितीने केले आहे.