डेगवे येथे आजपासून संयुक्त योगोपचार शिबिराचे आयोजन.
बांदा | राकेश परब : पतंजली योग समिती डेगवे यांचे संयुक्त योगोपचार शिबिर आज सोमवार दिनांक ५ डिसेंबर २०२२ ते १० डिसेंबर २०२२दरम्यान आयोजीत झाले आहे. सकाळी ५:३० ते ७ या वेळेत १० डिसेंबर पर्यंत रोज हे शिबिर संपन्न होणार आहे . सूर्यनमस्कार, प्राणायाम, योगासन तसेच योगोपचार आणि आध्यात्मिक उन्नती बाबत विशेष वर्ग होतील.
या शिबिरात मधुमेह, रक्तदाब, लठ्ठपणा, सांधेदुखी, हृदयविकार या व्याधींच्या निवारणासाठी विशेष मार्गदर्शन दिले जाईल. माध्यमिक विद्यालय पटांगण डेगवे (श्री देव स्थापेश्वर मंदिर शेजारी ) येथे सदर शिबिर होणार आहे. सर्व योगाभ्यास प्रेमींनी या योगशिबिराचा अवश्य लाभ घ्यावा असे आवाहन आयोजक व योग शिक्षकांनी केले आहे.
या संदर्भातील अधिक माहितीसाठी सर्व श्री.शेखर बांदेकर ९८२३८८१७१२, सुदन केसरकर ९४२२०६५१५३ ,मधुकर देसाई ७५८८५७०८८७ , तात्या स्वार ९४२३३०२०९० यांच्याशी संपर्क साधावा असे आवाहन आयोजकांकडून करण्यात येत आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
