दोडामार्ग शहरात पतंजली योग वर्गाला आरंभ.

प्रकाशन: 01 Dec 2022 12:49 PM

वाचन संख्या 71

आरोग्य

बांदा | राकेश परब : निरामय आरोग्यासाठी प्रयत्नशील असणार्या सुप्रसिद्ध ‘पतंजली योग समिती’, सिंधुदुर्ग मार्फत दोडामार्ग शहरामध्ये आज, श्री सिद्धिविनायक मंदिर येथे पतंजली योगवर्ग चालू करण्यात आला.

या वर्गाचे उद्घाटन नगराध्यक्ष चेतन चव्हाण यांच्या हस्ते झाले
अध्यक्ष शरद मणेरीकर यावेळी उपस्थित होते.
उपस्थित मान्यवरांमध्ये भारत स्वाभिमान सिंधुदुर्ग जिल्हा प्रभारी महेश भाट,पतंजली योगसमिती सिंधुदुर्ग सहजिल्हा प्रभारी शेखर बांदेकर , रावजी परब, प्रकाश रेडकर, सर्वानंद दळवी, श्रवण कुमार राज पुरोहित, दयानंद नाईक, प्रभाकर राठोड, सिमा प्रसादी, नर्मदा पटेल यांचा विशेष समावेश होता.
दीप प्रज्वलनाने उद्घाटन झाल्यानंतर सुरवातीला श्री. शेखर बांदेकर यांनी योग वर्ग घेतला. सूर्यनमस्कार, योगासन, असा अभ्यास केला गेला. उद्यापासून योग वर्ग सकाळी ५:३० ते ७ या वेळेस हा वर्ग दररोज सुरू राहील.
शरद मणेरीकर यांनी श्री सिद्धिविनायक मंदिर हॉल मोफत उपलब्ध करून दिला. योगाभ्यास करणे ही काळाची गरज आहे त्यामुळे सर्व दोडामार्ग वासीयांनी या योग वर्गाचा लाभ घ्यावा असे आवाहन नगराध्यक्ष चेतन चव्हाण यांनी यावेळी केले.

संबंधित बातम्या