मुंबईत गोवरचा कहर ; मुख्यमंत्री एकनाथ शिंदेंनी बोलावली तातडीची बैठक.
संतोष साळसकर | ब्युरोचीफ :
मुंबईत गोवर संसर्गाची तीव्रता लक्षात घेऊन मुख्यमंत्री एकनाथ शिंदेंनी आरोग्य विभागातल्या अधिकाऱ्यांची तातडीची बैठक आज बोलावली आहे. यंदा सप्टेंबरपासून गोवरच्या रुग्णांची संख्या झपाट्याने वाढत आहे. मुंबईतल्या गोवरच्या रुग्णांच्या संख्येतली वाढ ही मागच्या दोन वर्षांच्या तुलनेत जास्त आहे.
या बैठकीला सार्वजनिक आरोग्य खात्याचे सचिव यांच्यासह आरोग्य विभागातील अन्य अधिकारी उपस्थित राहणार आहेत. राज्य मंत्रिमंडळाची बैठक दुपारी १२ वाजता आहे. ती झाल्यानंतर ही बैठक होईल. यामध्ये गोवर आजारावरच्या प्रतिबंधक उपाययोजनांचा आढावा मुख्यमंत्री एकनाथ शिंदे घेतील आणि संबंधित अधिकाऱ्यांना पुढील सूचना देतील.
मुंबई महानगरपालिकेने दिलेल्या माहितीनुसार, सध्या सहा बालके ऑक्सिजनवर आहेत. सोमवारी गोवरचे १२ रुग्ण आढळून आलेय. सध्या मुंबईत या रोगाचे १६४ रुग्ण आहेत. गेल्या वर्षीच्या तुलनेत यंदा मुंबईतल्या रुग्णांच्या संख्येत १७ पटींनी वाढ झाली आहे. मुंबईतल्या गोवर रुग्णांची संख्या गेल्या दोन वर्षांच्या तुलनेत सर्वाधिक आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
